منتدى عالم الأسرة والمجتمع - عرض مشاركة واحدة

28-10-2015, 05:30 PM

#127

روح الطير

كبار شخصيات المنتدى

تاريخ التسجيل: May 2005

المشاركات: 12,052

رد: أفكر جديا بالانفصال

اقتباس:

المشاركة الأصلية كتبت بواسطة ريف الأشواق

الله يفرج همك يا روح

الله يعينك عليه لكن فكري هل تقدرين تربينهم لوحدك

أنا زيك أفكر أنفصل

لو اضطرتني الظروف لا سمح الله ..
إيوة اقدر اربيهم لوحدي و الحمد لله ..

لكن زوجي بدأ يعرف قيمة أولاده الحمد لله بعد ما افترق عنهم فترة ..
و شيخ كلمه و نصحه .. و بدأ يعرف قيمة الأسرة و معناها ..

و - مستحيل أحد يغطي مكان الأب - ..
و أنا جربت فقدان الأب ، و خاصة في مجتمعنا و اللي يعني حرمانهم من الأب
يعني حرمانهم من السفر الداخلي ، و التمشيات و الخروج للبقالات و الدكان و المطاعم و غيره ..
يعني القرار ما يخصني لوحدي ، أولادي لازم يشاركوني قراراتي طالما جبتهم للدنيا ..

و إنت يا ريف ..
شيلي الفكرة من بالك ، ماشاءالله زوجك موظف و كويس مو مقصر معاك
ربي يخليكم لبعض ..

.
.

اقتباس:

المشاركة الأصلية كتبت بواسطة محب السنة

أختنا روح الطير

ما الذي تشعرين أنكي ستخسرينه لو بقيتي على ذمة زوجك ؟

- كنت أشوف إني راح أخسر قيم انسانية كثيرة .. لكن بعد المواقف الي صرت اتعرض لها من أقرب الناس لي ..
صار زوجي و أهله ، أهون علي .. و تعادلت الكفة .. و ما صارت تفرق معايا ،.

- راح اخسر احساسي بالراحة النفسية بسبب الشك و عدم الثقة ..
لازم كل خطوة ، يطمنني و يثبت لي إنه صادق .. و أنا ما أحب أكون كذا ، بس هو السبب ..

- راح اخسر احساسي بالإنتقام لنفسي .. و لكرامتي ..
لكن بأتحمل عشان الأولاد لما أشوفهم مبسوطين ..

- ما تعودت إني اعيش مع شخص يجرحني ، و مباشرة أضعه في البلاك لست ..
و جرحه لي أعتبره دافع قوي لي للسير بطريق النجاح و تهميشي له ..

و لا كنت ألتفت للخلف ، لكن انحطيت في موضع انا مسوولة فيه عن حياة و مستقبل أعز ما أملك و هم أطفالي
و الشي هذا متعب لي نفسيا ..

.
.

اقتباس:

المشاركة الأصلية كتبت بواسطة موهبة الكويت

روح

مريت باللي مريني فيه تماما وبالتفصيل

وكان ردود الأعضاء بارك الله فيهم نفس الردود هنئ

ولكني ما ارتحت ولا تنفست الصعداء الا بعد ما ( ذلف) عن ويهي

الحين بعد تقريبا 9 شهور طلاق يا دوب قمت اشوف بعض من حسناته

مو متحسفة ولا متندمة ولكن كنت دائماً أفكر او هالتسع شهور كنت عنده جان الحين انا في مستشفى المجانين

وكنت ولا زلت احمد ربي ان وخره عن طريجي

الفرق يا موهبة ..

إنه ما عمره جرحني بالكلام .. و هذه ميزة تنحسب له ..
و عكس أخواني اللي دايما يسيئوا الظن و يجرحوك بسبب تخيلات من راسهم
و يندموا بعد فوات الأوان و بعد ما يسمعوك كلام زي السم .. و بدون أي ذنب منك ..

.
.

اقتباس:

المشاركة الأصلية كتبت بواسطة ويبقى الحنين

الله يجعل لك من مشكلتك فرجا
ويعوضك خير بذريتك ويجعلهم قرة عين لك
استخيري اختي والله ييسر امورك

و يبقى الحنين ..

مشكورة ربي يسعدك ..

.
.

اقتباس:

المشاركة الأصلية كتبت بواسطة soqya

السلام عليكم ورحمة الله وبركاته.
مرحبا بروح المكافحة الرائعة لي طلب أتمنى أن لا تدخلي الموضوع وتقرري، إلا إذا أردت
الفضفضة فكلنا نسمعك أنت بحاجة لذلك جدا الآن..
أحبك.
أسأل الله لك سعادة لا شقاء بعدها أبدا.

مشكورة سقيا الغالية على النصيحة ..
و اللي أخذت بنصيحتك فعلا ..