بسم الله الرحمن الرحيم

طريقه الكسكسي باستخدام الدقيق بالصور



الطريقة:

نحطي مقدار الدقيق في العجانه علي حسب عائلتك (انا استعملت 1/2 كيلو لفردين و طفل سنه و نص)
و تضيفي عليه مياه قليله بالتدريج و تعجني و لو حسيتي انه عايز ميه تاني زوديه
المهم انه يبقي بالشكل ده بعد العجن



علي فكره العجن لمجرد ثواني بس

و بعدين نيجي لمرحله السواء:

لو عندك الحله الخاصه بالكسكسي استعمليها
لكن لو مش عندك اعملي زي و هاتي حله فيها ميه و حطي عليها مصفاة المكرونه و فيها قطعه شاش كبيره و حطي فيها الكسكسي بالشكل ده



بعدين اقفلي الشاش و غطي المصفاه و سيبيها علي نار عاليه لمده حوالي نصف ساعه

بعد النص ساعه افرغي الكسكسي في صينيه او اي وعاء واسع و ها تلاقيه بالشكل ده



بعد ما يبرد افركيه بايدك كويس علشان يتفكك من بعضه
ها تلاقي الكسكسي قاسي او ناشف شويه



هاتي شويه ميه قليله جداااااا و رشيهم عليه
و بعد كده امسكي الكسكسي بايدك و انثريه او ابذريه في الصينيه لحد ما تحسي انه بقي طري او مندي بالميا
(اوعي تفركيه بعد وضع المياه و الا يبقي عجين و يخرب)

رجعيه في المصفاه تاني و غطيه و خليه علي نار عاليه حوالي 45 دقيقه


و بعدين فرغيه في صينيه و رشي عليه سمن بلدي كتير و هو لسه ساخن جدا
و قلبيه كويس
و بعد ما يهدي شويه ابدأي افركيه تاني بادك علشان السمن يتوزع فيه كويس
و علشان لو فيه حاجه متكتله تتفكك

و ده شكله بعد ما فركته بالسمن



و قدميه بالطريقه اللي بتحبيها


ممكن ناكله حلو باننا بضيف عليه سكر بودرة و قرفه مطحونه



او حادق حسب الرغبة و البلد

و بالهنا و الشفا

يتبع

منقول

و المشاركات في اقسام التغذية و الطبخ خلال شهر مارس 2010