اقتباس:
المشاركة الأصلية كتبت بواسطة Crestalla
شوفي يا اختي والكلام لك وللاخ مفسر
جلسنا سنه كامله نلف وندور عالدكاتره القصه بدات بالتدريج
بالبدايه بدات مالها نفس تحكي مع احد وكلمتين ورد غطاهم
ثم بدا يفلت منها البول او ما تشعر بالبول الا بوقت متاخر وما يمديها توصل عالحمام
المشي تمشي وكان في قدمها مغناطيس يجذب قدمها على الارض اقصد تجد صعوبه في تبديل القدم اليمني مع اليسرى في الخطوات مع رجفه في الركب..
ثم بدات تفقد اسماء احفادها ثم تمر عليها ثواني تتخيل نفسها في بيت اقاربنا وهي تكون قاعده في بيتها
يتهيالها اشياء مش صحيحه مثلا ( تكون ساكته وفجاه تنادي على اختها يا حصه يا حصه ) واختها وين مش موجوده معانا ..احيانا ما تدري هي وين قاعده بالبيت او بالمستشفى .
ثم اصبح عندها صعوبه في اكمال الجمله او اجراء محادثه كامله مع اي شخص يعني بنص المحادثه تركيزها يتشوش وتنقطع المحادثه معاها ..
عندها صعوبه في الاعمال الروتينيه اللي كانت تعملها من قبل مثل استخدام ريموت التلفزيون او استخدام الهاتف او قراءة القران مثلا..
صار عندها حاله من اللامبالاه مثلا تكون بتصلي وفجاه تقطع الصلاه من دون سبب وتبدا تتكلم مع اللي معاها بالغرفه
واحيانا ترفض تصلي مع انه امي كانت الصلاه ما تتهاون فيها ابدا وكان القران ما يطيح من ايدها الان قرانها مهجور ما تمسك من سنه ..
طبعا كل هذي الاعراض ما ظهرت في يوم وليله بل ظهرت بالتدريج واحيانا تشتد واحيانا تخف ويعدي يوم تحسيها رجعت طبيعيه ومن بكره ترجع تنتكس ثاني وهكذا .
صار عندها سدة نفس عن الاكل ونزل وزنها بشكل ملحوظ..
عملنالها فحوصات كله تمام مافي شي مخيف بالاخير حولونا على اطباء نفسيين
شخصوها بالتالي
1) الزهايمر
او
2) فقدان ذاكره مع خرف بسيط
او
3) اكتئاب
احنا استغربنا صراحه ماقتنعنا بالتشخيص
الزهايمر حسينا انها صغيره عليه عمره 58 سنه فقط
وليس لدينا تاريخ عائلي لهذا المرض
خرف كمان استغربنا اللي بعمرها لسه بيشتغلو وما وصلو لسن التقاعد
اكتئاب من ايش؟؟ فجاه كذا؟
المهم حاولو الدكاتره يقنعونا غصب انها مخرفه وانه لازم نرضى بالامر الواقع شئنا ام ابينا وانه الحاله حتسوء الين توصل لمرحله انها تكون مثل الرضيع لا ياكل بنفسه يقضي حاجته على نفسه لا يتكلم كلام مفهوم وهكذا .
صراحه رضخنا لامر الدكاتره وبدانا نتكيف مع الوضع ان امي تعاني من الخرف والاكتئاب وربما الزهايمر
والله كنا انا ووالدي نقعد نبحث في وضعها الصحي الين الفجر ونقلب بادويتها ربما هناك دواء للضغط او السكر مسب لها هذي الاعراض ابدا مو قادرين نقتنع بالتشخيص ..وفجاه ! انتبهنا انه محد من الدكاتره طلب تصوير للدماغ!!
ياربي كيف فات علينا ؟؟ ايش الدكاتره الاي كلام اللي عندنا ؟؟؟؟!!!!!!!!!!!
بعدها بكم يوم ذهبنا الى الطبيب واصرينا على عمل اشعه على الراس اسمها CT SCAN
استغرب وقال حالتها واضحه ما يحتاج نعمل اشعه الانسانه مخرفه ارضو بالامر الواقع
اصرينا وبعد اصرار دخلها عالاشعه وعمل تصوير
ولما طلعت النتيجه كانت المفاجاه!!!!!!!!!!!!!!!!!!!!!!!!!!!
ظهرت الاشعه انها مصابه بماء في الدماغ وتسمى هذه الحاله ب NPH
NORMAL PRESSURE HYDROSEPHULES
وهي حاله تصيب بعض الناس فوق الخمس وخمسين سنه
واعراضها مشابهه تمام لاعراض الخرف والزهايمر
وعلاجها سحب الماء من الدماغ وباذن الله يعود المصاب الى طبيعته
حسبنا الله ونعم الوكيل على قد ما فرحنا انه اخيرا اكتشفنا ايش اللي بتعاني منه على قد ما غضبنا من الدكاتره اللي كانو مصرين يقنعونا انها سيده خرفانه وتعاني من الزهايمر..
دخلت عالانترنت في اليوتيوب وتعالي شوفي المصابين هما بيتكلمو عن حالهم في امريكا
وكانهم يحكو عن امي
قرات انهم اخذو 7 الاف مريض شخصوه انهم مصابين بالزهايمر والخرف ولما عملو اشعه للراس اكتشفو 375 حاله عندها ان بي اتش ومش الزهايمر وبعد العلاج رجعو لطبيعتهم ..
هذي كل القصه عموما هذا المرض اعراضه مش متشابهه مع كل المصابين
بس اهم 4 اعراض
خرف جزئي
صعوبه بالتحكم في البول
صعوبه في المشي
اكتئاب..
اي سؤال انا حاضره..
|
مرحبا فيك أختي كلامك جداً رائع وجميل ولكن فيه بعض الأمور غير موجوده بأمي ,, أمي عمرها تقريباً 54 سنه من بعد وفاة أبوي حصل فيها هذا الشي وقتها قلنا ضيقت صدر وصارت ماتتكلم كلمتين على بعض يعني سؤال وجواب على قد السؤال واوقات تقول مادري مع انها تدري ,, امي عندها سكر ولا صارت ماتتحكم بالبول إلا لمن استخدمت علاج أسمه سايريكس وهذا العلاج سببلها خمول بشكل كبير جداً مع عدم التحكم في البول + الشهيه سيئه جداً يعني حتى المويه ماتبي تشرب ,, بعدها استخدمنا علاج أسمه زايركس مع فلوكسور وصارت تمشي في البيت من 5 إلى 10 كيلو باليوم تخيلي حرمه كبيره ثقيله تمشي هالمشي والله ماتقدر تقعد في مكانها أكثر من دقيقه بعدها تقول تروح وترجع نفس المكان وتقعد دقيقه وعلى نفس الحاله ,, بعد مرور شهر ونص تقريباً رجعنا للدكتور عبدالحميد اليحيى اللي بمستشفى الحبيب قال اوقفوا العلاج بالتدرج سوينا زي ماقال , بعدها قال يمكن هذي بداية زهايمر يعني الله يعينكم ولا فيه مجال انها تطيب ,,اخذنا مثل ماذكرت موعد مع الدكتور طارق الحبيب وعطانا العلاج ويقول ان اللي في الوالده أسمه أكتئاب ذهاني وان شاءالله مع العلاج راح ترجع مثل أول ,, وعطانا موعد يوم الأحد القادم يقول أبيك تقولي كل حاجه حصلت خلال الأسبوع هذا ,, واليوم اول يوم بالعلاج ويااااااااااارب يااااارب تشوي والله فاقد امي كثير خواتي درجاتهن زفت بالمدرسه من النفسيه السيئه يعني فقدنا أبوي الله يرحمه وبنفس الاشهر تمر امي يارب رحمك ,, تكفوون أدعوا لآمي انها تطيب والله تعبنا كثيررر الحمدلله على كل حال ,