رد: تجمع لبدأ دايت ..يلا بنات
ماشاء الله فكرت الموضوعبس لمتبعي ومتبعات الريجيم ..
لكن بما انو عام قولت خليني اشاركهم .
أنا من الرافضين لفكرة الحرمان من الأكل .
ببساطه الأكل حاجه حلوه لكن باعتدال زي ماقال الرسول صلى الله عليه وسلم ( ثلث لطعامه , وثلث لشرابه , وثلث لنفسه )
وكمان قال عليه الصلاة والسلام ( نحن قوم لا نأكل حتى نجوع وإذا أكلنا لا نشبع )
يعني الأكل وقت الحاجه بس مو لمجرد التسليه او مبدأ مجرد نقنقه قودام التلفزيون أو واحنا نهرج واذا الشخص اكل مايوصل لمرحلة التخمه ..
..
مهم قبل كُل حاجه انك توزني وتقيسي طولك وتطلعي 3 حاجات .
* الوزن الطبيعي أو المثالي .
* اقصى حد مثالي مسموح لك توصليلو .
* ادنى حد مثالي مسموح لك الوصول ليه .
وتبعدي الميزان عن عينك بعدها لفتره عشان ماتعيشي نفسك تحت الضغط ويا الله انا مو جالسه انحف او يا الله اللي نزلتو امس رجعت كسبتو اليوم ..
..
كُلو كُل اللي نفسكم فيه من غير حرمان لكن زي ماقولت في البدايه بكميات كويسه ومعتدله وبمضغ كويس ..
مهم النظام والانتظام .
يعني نظامك فطور غدا عشا .
يكون فطور غدا عشا وبنفس الأوقات .
مثلاً الظهر الساعه 2 الغدا خلاص اتعودي دائما انك تتغدي الساعه 2 وهكذا ..
..
( صوموا تصحوا )
نصيحه نبويه ثمينه ثمينه ثمينه .
متى ماحسيتي انو وزنك بدأ يتخربط . او عندك مشكله في الهضم . أو أو .
فصومي ..
..
أخيراً .
شرب المويا ع الريق ( القاروره اللي أقل من لتر ) . وضروري ماتاكلي الا بعدها بساعه على الأقل ..
مفيده في تنظيم عملية الهضم وإخراج الفضلات الزائده عن حاجه الجسم .
بالتالي تخليص من سموم + تحسين عملية الهضم + لها اثر إيجابي على نقصان الوزن .
.
طيب وهل فادت معاكِ ولا جالسه يَ قلم كُحل تكتوبي حاجات مثاليه ؟
ماسبق هوا نظامي الدائم وماشاء الله من فضل ربي سنوات وانا في الوزن المثالي بالنسبه للطول . وجاتني فتره وصلت لأقل حد مسموح للوزن المثالي ..
__________________
اِهدنِيْ فِيْمن هَدَيْت ..
