اقتباس:
المشاركة الأصلية كتبت بواسطة Neat Man
مساء الخير يادكتورة
ماراح اقول انه انتي بنعمة ووضعك ممتاز مقارنة بغيرك لأنه أتوقع انك مدركة هذا الشيء لأنك تملكين مالايملكه 95٪ من سكان العالم، وهذا جدير بأن نتأمله ونشكر الله عليه في كل حيييين
قبل كم ساعة اقرأ متوسط رواتب الناس في بريطانيا وأمريكا وفرنسا وإسبانيا وجدت ان راتبك أضعاف مضاعفة فوق هذا المتوسط شهريا ماشاء الله
انتي لديك غرفة واستقلالية ومساحتها وفق المقاييس العالمية كبيرة جدا
نرجع لمحور الموضوع، بالنسبة للمبلغ كبير جدا، وارى ان تستثمريه بشكل عقلاني ومنخفض المخاطر على ان تشتري بيتاً لأن المشاركة مع غيرك غير مفضل حتى ولو كان اقرب الأقربين إليك (وأن كثير مِم الخلطاء ليبغي بعضهم على بعض)
وجود اخوانك دون ان يدفعوا ريالا واحدا في اي مناسبة غير مقبولة سيجعلك تتحسرين على سكناهم دون دفعهم
|
هلا اخي نيت مان
طيب فيه ناس تموت جوع وعندها مجاعه الله يفرج عنهم ، ليه لما نروح بنده نعبي العربانه وناكل اشكال والوان
ترى الشخص بايده يعيش بمويه وتمره
حديثك هذا زي اهلي ....احمدي ربك
طيب ااي يبي يحسن وضعه صار مو حامد ربه
فيه ناس متغربين وناس على قد حالهم وناس حتى مستاجرين
معدلين وصارفين على بيوتهم ....مع ان بعضها مؤقته ...ترى الواحد صعب يعيش على الانتظار ويؤجل الاشياء الجميله بحياته ...ماراح اسكن مضبوط الا لما اشتري بيت ...ويعيش بسردينه مع عياله ...تروح طفولتهم مراهقتهم شبابهم وعمره هو مااستمتع بسكنه ...انا ضد هذا بتاتا
الشخص يحسن ويعدل وفق امكاناته
وهذا عتبي على اهلي ...البيت فيه مجال ينبني دور كامل نتوسع ....واكيد بتكلفه لكن مقدور عليها وعرضت عليهم تحمل الكلفه
لكن الرد " مايسوى نبني فيه " استني نشتري وبنحط لك خمس او ست غرف ...تخيل الحلم
ولكل مقال مقام وكذاك لكل عمر مقامه ...محد يعيش بنفس غرفه طفولته طول عمره
تخيلوا ياعضوات ...المتزوجات ...تغمضي عينك من غير شر وتلقي نفسك بنفس الغرفه الي عشتي فيها طفولتك وطلعتي منها من بيت اهلك بدون عيال ولا عيله ولا بيتك صحيح لندن بيوتها صغيره بس مستقرين
يعني لو كنت بلندن باخذ استديو لطيف وبعيش فيه
محد عندهم بيرجع يعيش بغرفه ببيت اهله
ومعظم الي بالاربعين استقروا في بيوت مع عيالهم وازواجهم
عندنا عامله غير متزوجه ...فكنت اسولف معاها قلت اكيد ساكنه عند اهلك
طارت عيونها قالت طبعا لا انا مستقله ببيت عنهم ...بعد قول ماديتها زينه وقول انها مو محتاجه ...لكن السخص مايحب يصير شجره ولا يحكر عمره بمكان ضيق بدون سبب
وش فايده الراتب اذا الواحد ماعاش بمكان مرتب
وش فايده البس ديور وهرمس واركب سباره غاليه وانا ارحع لغرفه مكتومه
خاصه انا بيتوتيه جدا ...احب اقرى وابحث واتابع مسلسلات واسوي رياضه واتقهوى في غرفتي
هي يغترض عالمي الخاص ...ومؤخرا حسيت انتاجيتي قلت جدا ...طاقة المكان سلبيه حدا