السلام عليكم ورحمة الله وبركاته
قبل كم يوم حصلت مشكله بيني وبين زوجي وماهي اول مره طبعا هو غلطان بنسبة 90% وانا10%
بعدين اتصل على اهلي واشتكى مني مع اني ما كنت ابي حد يتدخل وقال لهم تعالو خذوا بنتكم ما
عاد ابيها وانا طبعا انصدمت فيه قام يسبني ويدعي علي وجلست ثلاثة ايام ابكي نفسيتي تعبت
وكرهته بعدين عرف زوجي الحقيقه وندم ندم شديد وارسل رسايل اعتذار للوالد عن اللي قاله وانه
يحبني وارسل لي حتى انا وجاني البيت وراضاني وسويت كاني رضيت بس من داخلي زعلانه

المشكله انا الان اشعر بنفور شديد منه يعني ما اتحمله يجلس جمبي اتقزز منه والله والله ما اطيق حتى وجهه احسه شيطان طلبني للفراش اكثر من مره واتهرب في الاخر وافقت لاني خايفه من الذنب
بس حتى في الفراش اعصابي مشدوه
وما ابيه حتى يلمسني و هو لاحظ اني ماني طبيعيه يعني شعور وحده مغتصبه مع اني ما جربت
هالشعور بس احسه كذا وبس هو اللي استمتع اما انا ماصدقت متى بعد مني
ولما خلص قال لين متى بيستمر الوضع هذا

ملاحظه:انا وزوجي مشاكلنا ماتخلص في اليوم اكثر من مره وتحصل مشاكل اكبر من ذي ونتصالح ويرجع الوضع عادي بس المره
ذي غير احس اني ما اقدر انسى اللي صار



اسفه اسفه على جرئتي في طرح مشكلتي بس احتاج مساعدتكم اشلون اقدر ارجع طبيعيه واحبه
ولكم خالص دعواتي........شادن