في رايي انه بيعتمد علي الموقف والشخص اللي امامك
انا لو حد اخد رايي في حاجه قبل مايشتريها اقول بصراحة طبعا
لكن لو اشتراها فعلا وعجباه لازم اجامل مع انها ممكن تكون مش عاجباني خالص
بس مجامله بدون مبالغه علشان انا يبان عليا جدا اذا كانت الحاجه عاجباني ولا لا
مثلا فيه موقف حصل مؤخرا كنت عند الكوافيره اقص شعري وعندها وجدت عروسه في يوم زفافها تتزين طبعا لابسه الفستان الابيض طبعا الفستان كان ذوقه وحش جدا جدا لابعد الحدود ومش نضيف ومش مظبوط عليها وهيه مدايقه منه
لكن خلاص مفيش وقت تغيره ولا تعمل اي حاجه غير انها ترضي بالامر الواقع طبعا اللي كانوا معاها بيحاولوا يظبطوا اللي يقدروا عليه بس العروسه محبطه جدا انا تدخلت وقلتلها ان انت جميله وفستانك حلو وما تفكريش في حاجه غي انك تكوني سعيده النهاردة وبس وبعدين الفستان مش مهم المهم انتي (طبعا ده مش رايي خالص)
بس كان لازم انقذ الموقف واطمنها لانها كانت منهاره وفرحها هيبوظ
طبعا ده موقف بسيط جدا
بيتكرر زيه كتيييييييييييييير فلازم الانسان يبقي مجامل ساعات من غير نفاق او تملق
__________________
اللهم بارك لي في زوجي وفي ابنتي واجعلها ذرية صالحة