عدت لاجلك اختي 
اختي بالنسبة للسواقة في جوانتيات خاصة بالسواقة تقدري تلبسيهم كنوع من الحماية اضافة الى استخدام واقي شمس على ايديكي للاحتياط
بالنسبة لجفافهم بسيطة
استعملي كريم ترطيب كل يوم بانتظام
انا بستخدم جونسون اشي تحفة
نيفيا حلو
فازلين ممكن بداية عشان انت كتير جافة ايديكي وهوة بيسرع الترطيب
دوف
كتير كريمات اختاري الي بتحبيه وشوفي الفرق
وطول مانتي مابتستخدمي كريم مرطب راح يضلو هيك
بالنسبة للسمار الحالي تقدري كل يوم برضو تفركيهم بقشرة ليمون وعصيرو
وبعد 10 دقايق تغسلي
بس هاي بتنشف الايدين فبعدها رطبيهم ضروري
*
*
*
لاتنسي ارتداء القفازات المطاطية قبل الجلي
هادا اهم شي للمحافظة عالنعومة
وضلك كتير رطبيهم لحتى يرجعو لطبيعتهم
وممكن تعملي الهم تقشيرة بنفسك
زيت زيتون وليمون وسكر وافركي ايديكي بقوة عشان القشرة الخارجية الخشنة تطلع
ولاتنسي الترطيب
بالنسبة للكوع وخشونته
برضو الكريمات المرطبة
ولونو بيروح بالليمون وقشره
لكن انتبهي انو بدو صبر وطولة بال
بالنسبة للحبوب الي بالظهر في مرهم اسمو
فيوسيكورت اشتريه من الصيدلية وبعد الحلاوة حطيه مستحيل تطلع بعد هيك حبوب
لكن ماتكتري لانو فيه كورتيزون ومش كتيرة منيحة هالمادة
بالنسبة للحلاوة مابعرف شو علاج هالموضوع صراحة انت بتقولي حساس جلدك كتير وبتسلخ من الحلاوة
طيب مثلا جربي اسالي دكتور جلد ازا البراون بتنفع وما بتعمل تسلخ
عفكرة البراون مابتشيل الطبقة الخارجية لهيك يمكن تفيدك
لكن استخدميها والشعر قصير جدا لحتى مايوجعك وتحسي بالدم بنزل من المسامات
بالنسبة لابطك وترهله مابعرف بالزبط زوري دكتور جلدية
استخدمي الشبة بيقولو بتشد المنطقة
والحبوب الي تطلع تحت الجلد بسبب تراكم الجلد الميت
اعملي تقشير متل محكتلك قبل شوي
ملاحظة بعد متنزعي الشعر ادهني المنطقة زيت زيتون
الشعر راح يرق و يطلع متاخر مرة عمرة ممكن مايرجع االا خفيف جدا
لكل الجسم مش بس الابط
*
*
*
بالنسبة لثدياك اريد ان اسالك كنت سمينة ونحفتي فجاة
؟لانو بعد انخفاض الوزن بشكل كبير يعني فقد الكثير من الوزن يترهل الجلد
اما من غير سبب؟
لانو لا اصدق ولااتوقع بنت بعمرك ثديها مترهل!!!
*
*
*
الحمالات فيه كتير انواع حلوة
في ماركة سورية حلوة اسمها اسيل
وفي ماركة اجنبية تركية اظن حلوة كتير
nbb
وممكن تروحي محل ملابس داخلية و تساالي صاحبة المحل ازا كانت عندها خبرة
*
*
بالنسبة للقولون والمعدة
اختي الاتلاحظي انو عندك مشاكل مردها صحي؟
يعني طول معندك القولون لازم معدتك منفوخة
لازم تتعالجي
عند طبيب مختص
وقللي من اكل البقوليات و الملفوف لانو هادول بينفخو المعدة
واشربي اعشاب كتير بتخفف الغازات و بتعمل تصريف للسموم
اشربي زهورات و يانسون وبابونج وكل انواع الاعشاب المعروفة
اما الوزن الزائد
فلازم تعملي حمية
لكن اقلك شو احسن حمية اجمع عليها الخبراء
انو تاكل فطور وغدا وعشا لكن بكميات قليلة و انتظام
وتستبدلي المقلي بالمسلوق
والخبز الابيض بالاسمر والنخالة
والرياااااضة اهم شي بدون الرياضة الريجيم مابنفع
يعني وفيه ريجيمات محددة الوجبات تقدري تروحي دكتور تغذية وبيعطيكي ريجيم ونظام غذائي لازم تلتزمي عليه
وبعد مينزل وزنك
لازم تستمري عالرياضة والاكل الصحي
ولي عوة إن شاء الله اتمنى اكون بفيدك قاعدة
واسمحيلي اختي انت لساتك صغيرة كيف جمعتي المشاكل هاي كلها؟؟
مش مصدقة
طيب بعد اول حمل وولادة شو بدو يصير فيكي
بعدين انت صبية و مفروض تكون مهتمة بحالك وجمالك ونظافتك
اتعودي عشان ماتواجهي مشاكل بعد الزواج بسبب قلة الاهتمام بالنفس
ماتزعلي انا والله بدي مصلحتك
انت عروس مابنفع هيك
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت
التعديل الأخير تم بواسطة نظرة أمل ; 01-12-2007 الساعة 01:36 PM