1997 ولدت امي اخوي قبل الاخير وراحت الكرش!!
سالت اختي الكبيرة وشرحت لي السالفه ع قد عقلي
كان اول مره استوعب ان امي كانت حامل فيه
وكلنا جينا من بطنها لان اللي اعرفه انها تقول لنا
جبتكم من مستشفى واذا زعجتوني برجعكم !!

لاا يا ناس انا ماعجبتني السالفه مو معقول امي وتظل تمن عليا بحملها لي

انا عندي تفسير اخر امي حملت بهم كلهم
الا انا ابوي حمل فيني ومصرة ع هذا الكلام
وتعالو شوفو اخوي الكبييير ايييش قلتي ؟؟ ابوي حمل فيك!!
اسكتي عيب وياويلك اذا سمعتك قلتي كذا

بكيييت وصرخت وتقاتلت مالي دخل
هذا اللي اريده كلهم امي حملت فيهم الا انا
المهم تدخل ابوي وابوي دايما مع الصغير ظالم او مظلوم
وخبرته بالسالفه انا ماريد امي تحمل فيني
اريدك انت تكون حملت فيني اما امي لا
ابوي شوي وبينفجر مسك ضحكته
وقال خلاااص لا تقول لها شي انا حملت فيها
احلا شعووور اذا انتصرت عليه

المهم كان ابوي المغرب يذاكر لاخواتي واخوي الكبير يشرح لهم بيد وحده
وسيجاره بيده الثانيه .. والله ماعرف كيف يفهمو مع ذلك كلهم من الاوائل
3 الكبار اللي ابوي يذاكر لهم

المهم بعد صلاه العشاء يطلعو رجال من مسجد
ويجتمعو في حوش بيتنا يشربو شاي
ناداني ابوي وجلست بحضنه وقال انتي اليوم ايش قلتي ؟؟
رحت خبرته باذنه قال لاا خبريهم
قلت لهم امي حملت بكل اخواني الا انا ابوي حمل فيني

اذكر جارنا ابو صالح ضحك حتى طاااح
وجارنا الثاني عبدالرحيم يقول لا تحرجوها
وانا والله ماني معبرتهم اهم شي ماريد
امي تحمل فيني وتمن عليا بحياتي كلها
وتحاسبني اذا ما كليت وتهددني
ترجعني مستشفى اريد ضماانه اني بعيش معهم


الله يحفظهم ويعني على برهم وطاعتهم

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم