ضحكت من قلبي على المواقف 😁
____

السباحه اول مره بحياتي اشوف مسبح كنت بخامس
ماكان كبير ولا صغير وسط وحليو
وانا كنت من كثير ماسمع من اخواني عن السباحه
صرت احلم كثير وصار عشقي مع اني ماقد شفته
حتى البحر ماعرفه غير بالتلفزيون
وكان نفسي اسبح مهما صار
رحنا استراحه
وكنت فرحانه من كلام اخواني في مسبح ونسبح
وصلنا وجلسنا ورجعنا رحنا المسبح
وانتظرنا يمتلي مويه
ولما خلص
خواتي قاالن يمااا بنطب فيذا؟
وكل وحده تزرع الرعب في الثانيه
واخواني ماقصروا في كلمات التخويف
وانا بديت اخاف
قلت لهم صه ابي اسبح وصرت ابكي لا تخوفوني
وهم مازالوا يتكلمون ويخوفون بعض
وانا من كثر مانا متلهفه بتجربة هالمسبح
سكرت اذوني وطبيت
وسبحت وكنت مستانسه عالاخير
وكلهم عيونهم علي منتظريني اصرخ واقولهم انقذوني
وانا ولا على بالي
فرصة وجت لحد عندي افوتها ليه ؟
كنت مغامره درجة اولى
اخواني متعودين عالسباحه مع اصحابهم
فنزلوا عادي
اما اخواتي نزلن وجلسن عند الدرج يقولن عني مو آدمية
اول مره تسبحين وتعرفين !!
ويقرون المعوذات
ويقولن لي هش هش لا تقربين منا
وخايفات مني 😅
انا ماكنت اعرف اسبح مثل العالم والناس
بس احب اغوص وارجع اطلع
او اقفز من فوق وانزل للمسبح
يعني تمشية حال
كبرت وتعلمت اسبح وعلمت بنتي 💙
______

اسعد فتاة ابوك اللي حمل فيك المهم وقف معك 😁
انا امي كانت تقول انها كانت تاكل كثير وخاصة الحلويات
وحملت فيني
قالت كذا عشان اترك الحلويات
وصرت اخاف اكل كثير واذا اكلت حلاوه انتظر متى رح يجيني البيبي
واحط لي مخده واقولها ماما حملت
انا مدري كنت قاعده اخوفها ولا اخوف نفسي !