منتدى عالم الأسرة والمجتمع - عرض مشاركة واحدة

08-02-2007, 03:17 AM

#18

× الأزرق ×

قلب المنتدى النابض

تاريخ التسجيل: Apr 2006

المشاركات: 396

رررررررررجعنا

طبعاً في البداية أشكر كل من هنأني على سلامة الوصول؛ وماتشوفون شرررر؛ وما نجيلكومش فـ وحـِش !!
وصلنا والحمدلله .. طبعاً × الأزرق × كعادته يحمل عفشه على كتفه في الطائرة! يعني أحاول أروح خفيف مو مثل بعضهم الله يهديه كنه بيهج وتارك البلد وبيغيب 10 سنين وشايل كل اللبس اللي عنده بالبيت وعند الجيران! ريح دماغك .. وبلااااشي كونترات واقعد انتظر شنطتي؛ وهي ولا مو هي وبمناسبة الشنط وضياعها ولخبطتها خذو هذي القصة عالطاير !!

واحد الله يسامحة من الأصدقاء الحبيبين العزيزين في سفرة ما وبلد ما !! وبعد ما وصلنا الفندق وبعد رحلة متعبة وسهر متواصل وبحث غير عادي عن غرفة متوفرة بهذا الفندق !!
بعد دخولنا للغرفة!! واستعداداً للراحة بعد عناء وتعب طويل !
اكتشفنا ان الشنطة ماهي شنطته !!
أفااااااااا معليش تحصل في أحلى الرحلات !
طيب يابو الشباب التاكسي اللي جابك أنقز معه يرجعك للمطار بسرعه !! ونا منتظرك لأنه بصراحة مافيني !
والحق قبل لا يفرشون ملابسك عند بوابة المطار وعلى 10 عاد البلد اللي كنا فيها مايصدقوا !
راح خوينا وجاب شنطته ووصل الغرفه ونا مستقبله بإبتسامه عرييييضة وفرحان انه لقاها !!
طيب جوازك يالحبيب علشان الفندق يحتاجون يسجلونه بالبيانات عندهم !
جوازي .. جوازي .. وين راح .. وين حطيته !!
أقولك انته حتغنيها ولا إيش ! أخلص بسررررعة !!!
ولطمني يوم قال : جوازي الظاهر والله أعلم نسيته مكان ما أخذت الشنطة بالمطار !!
لالالا
مستحيل
لالالا
انته عاوزني اعيّط !!
لا أعيّط !!
لا انته ناوي علي بالفعل !!
طبعاً بالفعل كدت أبكي وقتها !! وقلت له يالحبيب لا يكون هذي حلقة جديدة من طاش ماطاش ويصورونا ونا مدري !! :14:

ماااااعلينا هذي جات عرضية وركنية وفاول غير مقصوود وبقية القصة اللي فوق طويلة وفيها بكا وشد شعر لليل ولكن يكفي لـ هنا نرجع لموضوعنا >> بطل هذرة يالأزرق وأخلص! لسا ماخرجت من المطار هنا !! قمت تلف بنا مطار ثاني !!

طيب .. من الطيارة مباشرة على شباك التفييز؛ وبعدها مباشرة على مكتب كاها لحجوزات الفنادق بالمطار وهو الأفضل بكل شئ أسعار؛ وضمان تأكيد الحجز؛ ولو خلص حجزك يجيك للفندق ولغرفتك ويمدد لك المدة اللي تبغاها ويسلم للرسيبشن كوبون تمديد لك ومثل ماتريد >> يعني يدلعونك آخر دلع !

طيب ... هاو آر يو >> يعني انه (...؟..) هوتيل بلييييز ؟؟
قام يطقطق وقال مافي الاغرفة بسريرين !! نعم نعم ياخويا !! سريرين !! واعمل بها ايش !!
يعني سرير انام عليه ! وسرير أقلبه سفرة طعام !! لالالالا تكفى حاول ... قال : مافييييي !!!
مو مشكلة .. طيب (..؟..) هوتيل؟ طق طق طق موجود غرفة بسرير >> مبروك عليك !! الله يبارك فيك وعقبال عندك

والحين وين السواق هذا اللي مخسرني اتصالات من جدة ومحرّص عليه انه يكون الساعه الفلانية منتظرني!! والله يلطعني السواق ربع ساعه وشوف غبرة جاية من بعيد!! أثره هو جايني طااااير بجيب تقول انه جاي من حراج الصواريخ سلامات يالحبيب اش السيارة هذي ؟؟ معليش سيارة انا في خراااب !! أفااااا من أولها كذا !! أمرنا لله .. الشغلة معفوسة من بدايتها .. توكلنا على الله
لفندق أكاسيا !!

وصلت الفندق ؛ ودخلت الغرفة بعد تعب من رحلة مافي داعي أقولكم عنها وانتم أدرى!
بصراحة قعدت شوية فيها وطلبت تغييرها ! نفسياً كذا قفلت معاي ! وطلعت بأدوار عليا ؛ طلعت فوق وهه حاولت أقتنع!! بس مشي حالك يا لأزرق التعب مسيطر عليك وارتاح احسنلك !
تشطفت وصليت ؛ وقلت خلني اشبك اللاب تب ونشوف آخر الآخبار >> وطبعاً اخبار منتدانا في مقدمتها
أحاول يمين يسار مافي فايدة >> أفاااا ليش ؟ قالوا خدمة النت متوفرة عندنا بالجناح الملكي فقط ! قلت لهم يعني أنا طلبتكم تسوون لي مسبح بالغرفة عشان تقولون جناح ملكي بس ! والله هذا الحاصل وراجع نفسك اذا بتحوّل !

قلت يالله نقعد لبكرة واطلع من الفندق كله! وبلااااااشي نت
طيب طلبت عشاء بمووووت من الجوع ! وفي مطاعم عربية هناك وعالمية مثل بيتزاهت ايضا تقوم بالتوصيل لباب غرفتك ؛ المهم طلبت والا يوم جا الرجال قالوا ممنوع صعوده لفوق لأمان الفندق ولازم تنزل تستلم من تحت !! لالالالا كذا مصختوها بزيادة !! هذا نظام جديد !!

فتحت باب الغرفة والقى تبع خدمة الغرف وابغى اقوله تكفى انزل تحت الرسيبشن وجب عشاي ! قعدت اكلمه بالانجليزي نووو ويييه ..!! بالعربي مافي فايدة ..!! طب برازيلي عندي شوية كلمات ممكن !! طب اشارات باليد بالرجول أي شئ الله يخليك بس قولي كيف تفهم !! شفت مافي فايدة !! قلت ما يبغالها أخاف الدجاجة تفرك من الرجال وهو منتظر تحت وخلني الحقه نزلت وجبت العشا وتعشيت ولله الحمد !!
وشوية سرحااان وتوهان بعد الأكل يعني تتنيحه بالعربي ! وإلا شوية تضرب الكهرباء كلها وزي اللي حطوني بصندوق وقفلوا علي !! ماني شايف شئ !

أفاااا بس !! :14:

وين الباب كيف أوصله !! ياهوووه الحقوني وبالكاد وصلت للباب والقى عامل النظافة باقي مامشي !! هوا انته لسا مامشيت !! طيب تعال خل نشغلك شوية !! عاد هذي مايبغالها شاف الكهرباء وفهمها !! لا يبغالها دورات ولا كورسات ! وجب سلّم وشيل سلّم !! المهم طلع الفيوز ضرب عندي بالغرفة والفندق كله آخر حلاوة وبس غرفتي! ونا ويييييين أقعد بعدها واتصل بالسواق وقلت له الحقني بسررعة ياعصفووور

طبعاً كان الاختيار بعد تفحيص وتمحيص على رواقة لابعدها رواقه !! صح انه غويلي شوية بس يستااااهل!

فندق دوسيت

ويكفي اني لقيت عندهم تلفزيون السعودية ومع اني مادري عنه ولا لي بالتلفزيون!! بس سامع قبل سفري بيوم في مباراة قلت حلو بنشوفها !! واثري × الأزرق × خبره قديم !! وفي اختراع الان اسمه القناة الرياضية ! ومادريت به الا يوم جا وقت المباراة ونا منتظر وطولت ونا أشاهد الأخبار واستقبل وودّع !! اسحب الفيش ياولد وبلااااش مباراة ! واشبك النت ويازينة اشتغل ولكن اللاب تب معي كان ينازع اللحظات الاخيرة وكل ماكتبت حرف جاب عكسه ! ووقتها ايقنت ان في نحااااااسة عجيبة بهذي السفرة ولكن الحمدلله !

فاصل و نواصل

والطريق إلى Puncak حيث الطبيعة الخلاّبة ..!!

وعاد مافينا هذرة من هنا خلااااص !! وراح أخلي الصور تتكلم !

أفااااااااا مين شال الريموووت

عموماً .. قولوا للي شاله [blink]أوعى تغير المحطة[/blink] !! وسيب إيدك من الريموووووت !!!

__________________

" وتبسُـمك في وجـه أخـيك صَـدقة "

التعديل الأخير تم بواسطة × الأزرق × ; 08-02-2007 الساعة 03:22 AM