اووووه وين راح عن بالي مطعم يمي يمي الياباني على شارع حراء في النهضة
ﻻ يفوتك يا زهرة .. خاصة السيمفونية حقتهم رهيبة
صح انها تبكي الأطفال و يترعبوا منها بس حلوة الحركة
والله على كثر ما نتعشى فيه برضوا نستناهم و هما يشيلوا الغطا عن الأطباق
و ما نمل منها ..حتى اكلهم مرة لذيذ خصوصاً الجمبري و الدجاج
عندي صور بالجوال تعشيت فيه قبل أمس و تذكرت موضوعك هذا
لكن عجزانة احملها انتظري بكرة او بعده بالكثير افضى و أنزلها
و فيه بعد مطعم كانتري سايد على شارع الأمير سلطان في المحمدية
رااااايق مرة و هادي تعشينا فيه قبل فترة مطعم أمريكي
إذا دخلتيه اطلبي براونيز بالايسكريم على ضمانتي تدمنيه و تسحبي على كل المحلات اللي تسوي براوني
امممم وش فيه بعد
جزيرة الشراع
فيه طبعاً المطعم المفضل عندي بالفيصلية ( ماجلان الصيني )
ما يحتاج اقولك عنه لأنه معروف و متميز و أسعاره افضل من يمي يمي
فيه كمان الخيال اللي ذكروه الأعضاء برضو مطعم رهيب و حنا من رواده حقيقة
وش اقولك بس .. جدة ام الرخا و الشدة كل شي فيها يجنن ..♡
قسم اني مشغولة ولا والله كلها صورتها عشان انزلها هنا و لين الحين ما فضيت
بس قريب قريييب ان شاء الله