السلام عليكم ..
أعود لكم بعد فترة هدوء .. رجعت الامور الي مجاريها ..

في هذه الفترة اشتريت سيارة لزوجي جديدة وطالبته بدفع اقساطها لي شهريا لمدة5سنوات.. وقبل يومين أهديته جهاز جوال وكانت الامور تمام..

بعدها تعبت وطحت بالفراش وماقصر وداني مستوصف خاص ودفع من جيبه ولما رجعنا قلت له اسحب المبلغ اللي دفعته من حسابي قال اذا احتجته بسحبه .. طبعا اليوم الثاني ماقدرت اداوم وداني مستشفي حكومي واخذت اجازة .. في الليل تعبت وقعدت بغرفتي اتأوه وهو ماجاء يسألني ويطمن علي .. اتوقع عشان مايضطر يوديني مستوصف ويخسر فلوس .. المهم شوي قال وش فيك تعبانة قلت لا .. متعمدة اقوله كذا لان هذا مو سؤال هو يعرف اني تعبانة .. المهم قال انا بطلع شوي .. وطلع اتاريه راح يجدد النت .. ورجع وقالي برسالة جددت النت اتصلي بالمودم وانا زعلانة .. مارديت عليه .. جاء عندي يسألني وش فيك زعلانة وانا احاول ما ارد عليه لاني عارفة راح اكون انا الغلطانة بالنهاية .. وبعد اصرار منه قال انتي مايملا عينك الا التراب وتحبين النكد وخذ فراشه وطلع نام بالصالة .. ومن وقتها وكل واحد بجهة وصار اسلوبه معي زفت .. امس واليوم ماسويت له الغداء لاني اجي من الدوام تعبانة بالاضافة الي تعبي اليومين هذي ومو مقدر .. قبل شوي يقول بنخلي الجيران يطبخون لنا او يتصدقون علينا .. وانا خلاص كارهة البيت وكارهة اسلوبه .. اخر شي كنت اتوقعه انه يعاملني كذا بدال مايحطني في عيونه ويداريني عشاني تعبانه وماقد قصرت معه لولا ظروف تعبي..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..