كيف حالك ياعم؟
حاسه بتعب كبير وثقل بصدري متعبني
قرات تحليلك وجلست افكر كيف اطلب من زوجي اني ابعد عنه وهذي اول مرة حتكون وبالذات ان وضع الحمل والجنين مو طبيعي عندي. قررت امسك الدفتر واكتب اللي في قلبي واكتب بعض الاسرار وطلبت من زوجي اذا صرخت او بكيت وانا نايمة لايصحيني. وكان كتاباتي امس للمتحرشين فردا فردا. ومن بينهم اخواني طبعا. حضنت المخدة ونمت. واذكر الشي اللي حلمت فيه. ذكرت كل لحظة كانوا اخواني يتحرشون فيني ويلمسون اعضائي وبعديين يهددوني بالسكين اذا احد عرف بالموضوع. ذكرت العماله الاجنبية وهم يتحرشون فيني وذكرت تفاصيل احد العمالة الاجنبية واللي قلت لك سابقا انه دخل اصبعة بعضوي. في الحلم دخل العامل علي وحدث الايلاج كامل. وانا كنت اصرخ من المي بس ماكان احد يسمعنا لان صوت الاذان كان اقوى. زوجي يقول اني في البدايه كنت اصيح بهدوء وبعدها بديت ارفع صوتي شوي لين وصلت لمرحلة هياج عصبي كنت ارفس برجولي واضرب بيديني تدخل زوجي بالموضوع بالوقت اللي بنتي بدت تصيح وتصرخ بوجه ابوها ليش الماما تصيح وليش الماما تضرب روحها وقت اللي تدخل زوجي فتحت عيوني بس مو بوعيي كنت ادف زوجي واصرخ وارفسه برجولي وبعدها عطاني كف قوي انتبهت لنفسي منه سمعت صراخ بنتي والتفتت لها الا كانت موجودة في الزاويه وكانت خايفة مني. وبعدها ناظرت بوجه زوجي شفت جروح فيه قلت له وش فيك قال اسئلي نفسك.
عدلت من وضعيتي ولاحظت رطوبه بملابسي وهذي اول مرة تصير عندي اني ابلل نفسي. سئلني وحلفني بالله اني اقول له وش اللي يصير معي. قلت له انت تبغى حزن جديدة تسعدك وترضيك او حزن القديمة العبوسة.؟ قال اذا حزن الجديده بيصير فيها كذا افضل تكوني حزن القديمة لاني ما اتحمل اشوفك بهذا الوضع. قلت له ممكن اروح بيت اهلي قال لي المشوار يبهدلك مع البيبي قلت له افضل ابعد شوي عن جو البيت قال لي وانا بصراحة ما اتخيل البيت بدونك.
طلع زوجي للدوام وانا بحاله مايعلم فيها الا الله وخصوصا وضع العامل اللي اغتصبني اغتصاب كامل هل هو واقع ام مجرد اوهام؟
حاسه نفسي منهارة وبنتي مسكينه حاضنتني على طول تقول انا بصير معاك لاتصيحي
اتمنى تفسر لي اللي صار ياعم احس نفسي مكتومة حيل