تحياتي لكم

انا انسان اعشق السفر جدا .... سافرت كثير سواء للعمل او للدراسة او للسياحة ... بأختصار لفيت حتى تعبت لدرجة ابوي اذا لي يومين او ثلاثة ما قابلته وشافني يقولي من المطار او على المطار


من الله علي بالزواج وتزوجت ويعلم الله ان بعد زواجي سافرت فقط (مرتان) بدون زوجتي ولاسباب (العمل)

ويشهد الله ان السفر من غير (زوجتي) كان (ممل) لدرجة ان في دوله اتعودت ان وزوجتي نسافرها بأستمرار لضروف (دراستها) وسافرتها انا لضروف عملي والله اني ما قدرت اروح اي مكان لاني اشوف زوجتي في كل مكان رحناه مع بعض فيه ...

هذا حالي بس بقولك كم سبب استشفيتهم من اصدقائي وفرق السفر مع الزوجه او بدون ...

اولا: انا اسافر لتغيير الجو احيانا ... وممكن يمر علي يوم يومين ما اخرج من الفندق ولا من غرفتي ... فقط استمتع بالهدوء وانتهاء المشاغل ... وهذا مستحيل طبعا مع وجود (زوجه) لانها تبي تطلع

ثانيا: بعض الزوجات الله يهديهم ما تبغي غير (السوق) من سوق لسوق ومن مول لمول ومن سنتر لسنتر ... طيب الاخ يبي سينما يبي كوفي يبي لعب وملاهي وهي ما عندها غير السوق (كأن ما في بالديرة اسواق)

ثالثا: المصاريف وان كنت اشوف انه سبب غير مقنع بس فعلا لانه بما انك تسافر اضغط على نفسك شوي واجل السفر وخذها معاك ... الشخص يقدر يشتري تذكره بالفين ثلاثة اربعة بس لو هو وزوجته وغيرها بيدفع حق رحلته كاملة ( ااكد من جديد انه سبب غير مقنع) ....

رابعا: اصدقاء الزوج... احيان الزوج يبتليه ربك بشباب ما عندهم اي التزمات وكل يومين ينطون في بلد ... عاد اكيد يوزونه ... وانا والله احيان تجيني عروض للسفر شاملة التذاكر والسفر من اصدقائي بس اطلع معاهم ....

خامسا: بعض الرجال تعودوا على السفر لوحدهم يعني مستحيل تقنعه ان السفر مع الزوجة ممتع ... واحيان يقولك ياخي وين اوديهم ... بلد مافيه شي للعوائل وانا ما احب الاسواق والسينما وغيره تروح معاي زوجتي ...

سادسا: ((العادات والعباءة)) لا تستغربوا والله اعرف شباب ما ياخذون زوجاتهم يقلك اتصايق من ملاحقة عيون الناس لزوجتي وهي بالعباية ... او مثلا في الدول العربية ملاحقة الخلق والاستغلالييين للعائلة بس بسبب العباية ... وما انكر ان فعلا في دول والله تكره اليوم اللي لبست فيه زوجتك عباية الكل يلاحقك واذا الشغله بريال تصير ب100 ريال ... في ازواج يتضايقوا من هالموضوع وطبعا موضوع تشيل العباية فيها

سابعا: ((وادري بيضايق الشباب)) بس والله انه واقع ... يسافر لوحده لغرض البحث عن ((ما هو ممنوع لديه)) وكلكم فاهمين بغض النظر عن ((ماهو)) من الصغيرة للكبيره ... وهنا ما اقدر اقول إلا ان تتقي الله ايها الرجل ... فوالله انك محاسب اولا ... ومعاقب ثانيا ... وقد تبتلى في اهلك ثالثا


اختي هذا اللي قدرت استشفه من حال بعض الشباب واترك البقية للاعضاء يمكن يتحفونا بأي شي جديد

تحياتي للجميع