منتدى عالم الأسرة والمجتمع - عرض مشاركة واحدة - سؤالي.... عن الفحوصات اللازمه لمعرفة سبب تأخر الحمل ؟؟للدكتورة بنت النيل
عرض مشاركة واحدة
قديم 09-12-2007, 04:03 AM
  #6
ام المهدي
موقوف
تاريخ التسجيل: Jul 2005
المشاركات: 601
ام المهدي غير متصل  
اختي الله يرزقك و يرزقنا بالذريه الصالحه
هذا إقتباس لكلامي وعن الخطوات اللي مريت فيها من البدايه للنهايه في موضوع عاشقات حلم الأمومه لأختي مياااا و ان شاء الله تستفيدين منه

اقتباس:
المشاركة الأصلية كتبت بواسطة ام المهدي

السلام عليكم
كيفكم يا حلوااااات
اشكركم من كل قلبي على دعواتكم وانا سويت اللي علي وعاد الله يستر بس ابشركم بعدين بالعلامه ان شاء الله

ميااااااااا : حبيبتي يا عمري ولا يهمك اخذي راحتك احنا اخوات و اي سؤال اسئليه من غير احراج
انا راح اقول لك قصتي بالتفصيل الممل بس عاد طولي بالك معاي والله يعينك
تزوجت قبل سنتين و نص تقريباً ، حملت بعد زواجي بشهرين و للأسف اجهضت في الشهر الرابع بسبب ان الجنين توقف نبصه وسويت عملية تنظيف و بعدها انا و زوجي ابتعثنا امريكا و اتفقنا ان نأجل موضوع الانجاب لين تستقر امورنا (مع العلم ان كان منع الحمل بس عن طريق الحساب او الكاندوم) ، لمن عدينا تقريباً سنه من الإجهاض فكرنا ان نبي عيال و لـكن تجري الرياح بما لا تشتهي السفن ..... كنا نحاول و توقعنا ان يصير هالشيء بسرعه مثل المره الأولى لكن مافيه فايده ظلينا اكثر من 6 شهور و احنا نحاول و بعدين قررنا نروح للطبيب و نكشف لإن بعض الأحيان الإجهاض يسبب تأخر الحمل ... المهم لمن رحت للدكتور كان عمري 20 و وهنا بأمريكا ما يتزوجون و يجيبون عيال الا و هم فوق الـ30 و كنت كااااسره خاطره و يحاول يقنعني انا و زوجي ان احنا لسه صغار و ان شاء الله بحمل لإنه حملت من قبل و بعد المحاولات اقنعنا ان ننتظر 5 شهور اذا ما حملت ارجع له و ان شاء الله بنبتدي بالفحوصات من طأطأ للسلام عليكم ، كنت منقهره بس زوجي اقتنع و طلعنا من العياده و انتظرنا 3 شهور بـــــس ما قدرت اتحمل رجعنا له و قلنا له نبي نبتدي قال خلاص براحتكم و بدينا بهالخطوات :
1- كشف على التبويض= ممتاز و البويضات حجمهم كبير و ما عندي مشكله
2- كشف على هرمون الحليب (البرولاكتين) = كان مرتفع شوي بس ما كان يحتاج علاج (بعدين قرر يعطيني اياه لمده شهر و نزل الحمدلله بس بعد ما كان سبب لمنع الحمل)
3- طلب من زوجي فحص للحيوانات المنويه = ممتازه ولا يحتاج اي علاج
4- عمل لي اشعة الصبغه = للأسف كان انبوب مفتوح و الانبوب الثاني مسدود سد بسيط ع النهايه لكـــــــن طمنني اني ما احتاج الا انبوب واحد للحمل
5- اهم خطوه بالنسبه لك الحاليه ( المنظار ) اكد لي ان اشعة الصبغه ما تبين كل شيء و ان يمكن تكون هناك التصاقات بالرحم و ماتبين الا بهالعمليه المهم انا ما صدقت خبر و عملتها بس في نقطه مهمه و هي انه انا دورتي منتظمه و اهو حدد معي اليوم الثامن من الدوره (يعني بعد ما راحت بيوم) لإن مهم يكون متأكد ان مافيه حمل اثناء العمليه (اتوقع ان مو مهم معاك الدوره او لا بس المهم انك مو حامل) المهم رحت المستشفى بنفس اليوم الصباح بعد ما اخذت شاور بالبيت بصابون للعمليات هم عطوني اياه و دخلت غرفة العمليات و عطوني بنج (يقول زوجي استغرقت العمليه تقريباً نص ساعه) بس الدكتور قال اذا مررره مررررره بيطول راح ياخذ اربعين دقيقه على حسب الإلتصاقات ... بعد ما طلعت من العمليه (اصعب فتره) لمن تصحي من البنج لإن يكون جسمك يألمك شوي و راسك يألمك بس مارح تطولين لا تخافين هذا شيء طبيعي.. ظليت فتره في غرفه لين ما تأكدوا اني صحصحت من البنج بعدها ودوني لزوجي و قال لي ان الدكتور جى له و وقال له اطمنكم ان مافيه اي التصاقات و حتى الإنبوب اللي فكرناه مسدود طلع مفتوح بس مثل ما قلت لك اشعة الصبغه مو دقيقه كثير مثل المنظار و ورى زوجي صوره داخل جسمي (تلوع الشبد ) فيها يبين ان السائل اللي حطاه يمر بسهوله في الانابيب و الرحم و الحمدلله ،.....اوووووه نسيت اقول لك كيف العمليه من الأساس العمليه يا بنت الحلال ان يفتح لك فتحه صغيره حيييييييل في السره و فتحه ثانيه تحت البطن بشوي (صغار مرررره يعني ما يألمون اصلاً ولا يبينون) المهم ويدخل من هالفتحتين منظار او انبوب في نهايتة كاميرا و يحط سائل لونه ازرق او بنفسجي يعني علشان يصير مختلف عن لون البشره و الدم و يقدر يميزه بسهوله ، إذا مر هالسائل بسهوله و وصل للنهايه معناته مافي لا التصاقات ولا انسدادات لكـن اذا ما وصل معناته فيه انسدادات والتصاقات بس بعد مو مشكله لإنه راح يفكهم كلهم وهذا السبب الرئيسي للعمليه ... و ان شاء الله انتي مافيك الا العافيه يالغاليه
6- الخطوه اللي بعد العمليه وبعد ما تأكد الدكتور ان انا و زوجي سليمين من جميع النواحي قرر انه نبدأ العلاج و نعمل التلقيح الصناعي ... طبعاً التلقيح الصناعي ما يلجأون له إلا اذا الزوجين كانوا يحاولون سنه كامله ولا صار حمل و مع فترة التحاليل اللي سويناها مرت سنه على محاولاتنا..
7- عملنا التلقيح الاول بعد ما عطاني كلوميد و ابره تفجيريه قبل التلقيح بيوم و لكن للأسف ما صار حمل
8- عملنا تلقيح للمره الثانيه بس مع كلوميد اقوى و ابره تفجيريه قبل التلقيح بيوم وصار حمل لكن للأسف اجهضت بعد ما عرفت اني حامل بيومين بس
9- هالإجهاض كان قبل شهرين تقريباً و للأسف هو كان حمل لمدة اقل من شهر بس مخلفاته للحين معي يعني الدوره صارت مو منتظمه بعد ما كانت منتظمه كل 28 يوم ، ارتفع هرمون الحليب لكن الحمدلله الحين رجع طبيعي
10- الخطوه العاشره المفروض انها تكون تلقيح صناعي بس بالإبر المنشطه هالمره بس للحين ما الله كتب نسويه يمكن يبي لنا نتنتظر فتره شوي بعد الإجهاض