المشاركة الأصلية كتبت بواسطة mimomea

يا صباح التحدي وصباح الرشاقة والسعادة وتقدير النفس⚘⚘

ماشاءالله تبارك الرحمان ربي يخليلك الوالد ويعطيه الصحة وطولة العمر حبيبتي وفا
كتير بحب علاقة الأب ببنته وكل ما كان قريب كل ما بيشعر ببنته اكتر
بعتقد ما في فرق كبير بالعمر بيناتكن وبين الوالد
انا دايما بقول عن بابا صديقي و7و اكبر مني ب20 سنة بس
واختي اللي اصغر مني اقرب الو مني
كل يوم لازم يزورها ويشوف طلباتها ويلعب اولادها وبيتشاورا سوا
وكل يوم بيبعتلي منشورات عن الصحة
كان يهتم بالاعشاب ويدرس عنها وبعدها الكتب عندو
وكان يعلمنا كيف نوقف على ايدينا ونمشي بس انا كنت فاشلة فيها تزبط معي ثواني بس
يوووه كنا بشي وصرنا بشي

انا من شوي خلصت تمارين عالآلات
وهلئ عند دكتور الصحة في مراجعة لزوجي وزنت حالي ناقصة 2 كيلو ونص من بعد ما شلت كيلو كرمال الثياب والجزدين
وبعد الضهر رايحة امشي

وفي صور لبنوتي ميامين من يومين وهيي عم تتدرب معي بس للاقي وقت بنزلهن


بالفعل حبي وفا الرياضة بتخليكي تلاقي نفسك وبتزيل التوتر
والبارحة بعدنا بالحديث انا ومرت خالي وكانت عم تستشيرني اذا بتفوت نادي
لانو صار عندها وزن زايد وهلئ بالشتا على عملان حلويات واكل
كل ما عم يزيد

فخبرتها انو لازم تشترك بالنادي مش بس كرمال تنزل وزنها وتنتبه على اكلها بالدرجة الاولى كرمال صحتها ونفسيتها
وقبل ما يكون هدفها لزوجها وللناس يكون الها

وانو اكبر غلط يتبع الواحد نظام التجويع وحرمان النفس ويترك وجبة اكل رئيسية بهدف ينزل من وزنه .
مثلا البارحة جبت قطعة تارت على اناناس 200 غ وكل مية 263 سعرة حرارية
فقسمتها نصين واتحليت فيها كوجبة خفيفة بعد الغدا
وتركت التانية لتاني يوم





وبالفعل اتحليت وشبعت منها ب263 سعرة
.حتى البوظة اللي بالماكدونالدز الصغيرة فيها 200 سعرة بس