عمي الفاضل
حابه اعرف رائيك في حاجتين
الحاجه الاولى :
انا بدرس في معهد وبروح مع سواق ماهو خاص هذولا اللي مشاوير ومتعامله معاه بالشهر المهم لاحظت عليه اسئله غريبه زي انتي ساكنه بالبيت لوحدك او مع مين ؟ انتي بيتك هذا ملك او لا ؟ بعدين في يوم شفته يتكلم مع هذولا الرجال اللي يصيروا عند باب المعهد وهذولا فيه واحد منهم الاحظه ينتبه لي وانا داخله وطالعه اشوفه يطالع من اول ما انزل الين ادخل قبل اسبوع امي الله يهديها طلعت معاه وهذاك استلمها اسئله زي انتو ايش بدو او لا واي سياره حقتكم وايش اسماء اخواني وايش يشتغلوا وامي كانت تجاوب تقول عادي انتي تفكريك غلط , واصلن عرفت بالصدفه منها انه سالها
امس كنا انا ومي معزومين المهم انتظرنا ساعه فلمن جينا نطلع قالت امي انا بسبقكك للسياره لمن ركبت سالها ليش اتاخرتو قالت امي حطوا عشى ولمن انا ركبت سال نفس السوال وانا جاوبت نفس جواب ماما وانا مدري انه سالها ,لمن رجعت البيت قالت هوا قبلك سالني قلت طيب ليش ماقلتي له ليش تسالها وانا توني جاوبتك؟ مادري امي هى قلبها ابيض ولا ايش تحس فيه بالضبط؟
اليوم واننا راجعه سالني انتي اخوانك يشتغلوا ولالا ؟ قلت ليش قال اخوانك يشتغلوا ولالا؟ قلت طيب قولي ليش سال قالي يعني مين يصرف على البيت قلت انتا ليش تسال اصلن مالك دخل ووصلت ونزلت بعدها بساعه ارسلي مسج يقولي سوري على سوالي الخطا
بعدها بساعه اتصلت عليه قلت تعال خذ حسابك ولا عاد اشوفك قدام باب بيتي
امي تقول انتي عقلك وتفكيرك مدري ايش يبغى مع العلم ان جنسيته باكستاني
الحاجه الثانيه :
باختصار لي صديقه معاي من ايام الجامعه يعني من 6 سنين
المهم انا عرفت بالصدفه واتاكدت انها اتكلمت عليا عن شخص وقالت له عني كلام كبير مرة اني وحده زي بنات الليل واني من الشارع كلام زي كذه وانا اتاكدت من الشخص نفسه وماني عارفه اواجهها مع انها صععبه او اني اطنشها وماعاد ارد عليها او كيف اتعامل معاها ؟ مع العلم اللي خلاني اتاكد ان الشخص اللي حكت عنده قالت له اسماء واشياء عني محد يعرفها الا هى .
مدري اتمنى انك فهمت عليا كلامي ملخبط وفي راسي اشياء كثير اسفه
__________________
يارب ...والباقي وحدك تعلمه