منتدى عالم الأسرة والمجتمع - عرض مشاركة واحدة - اريد ستعادت الثقه الي بيني وبين زوجي واريد الشعو بالثقه بنفسي امام زوجي ارشدوووني
عرض مشاركة واحدة
قديم 30-08-2006, 12:13 PM
  #1
**حرمان**
عضو جديد
تاريخ التسجيل: Aug 2006
المشاركات: 2
**حرمان** غير متصل  
كيف أستعيد الثقة في زوجي؟ وكيف أثق بنفسي أمام زوجي أرشدووووني

سلام عليكم ...
انا طبعاً عضوه جديده بهذا المنتدى الاكثر من الرائع والذي اتمنى له الموفقيه ولاعضاءه حياة زوجية سعيده ان شاء الله ...

يؤسفني اني راح ابدأ معاكم بأول مشارك لي وهي مشكلتي ...

عمري 21 سنه متزوجه ولي طفل وزوجي يكبرني ب 3 سنوات ... تزوجنا بعد قصة حب بينا دامت سنه و9 شهور .... عشت معاه احلى ايامي ... ... الحمد لله انا بطبعي زوجه احب التجديد والتغيير ومحافظه دائما على مظهري ومحافظه على نظافتي الشخصيه استقبله بالكلام المعسول وكلمات الترحيب ورائحة البخور ... اسوي له حفلات مفاجأه وحركات رومانسيه كثييييييره ... زوجي طيب طيب الى ابعد الحدود وهادي جدا معاي ....

بتقولون لي وين المشلكه ....

المشكله بدأت معاي لما اكتشفته يكلم بنات بالمسنجر و يدخل مواقع اباحيه .... انا طبعاً انهرت على الارض وابكي ... لاني كنت اخر شي اتوقعه في ريلي هذا الشي ... طبعاً انا قلت ان الموضوع هذا ما يصير اسكت عنه .... يه من الدوام ريلي ولقاني بشكل مب معتاد علي ... بلبس عادي ((جلابية بيت )) ولا بخور ولا ترحيب ولا شي وكنت على السرير ابكي وبأنين ... على طول يه يسألني شفيج ساعتها وريته اوراق انا سويتها برنت حق محادثاتها الي مع بنات ... اهني ريلي تبلعم وما عرف شلون يبرر وظل يقول لي والله اني مجرد ملي وقت فراغ ومحد في قلبي غيرج انتي الغاليه ولما شاف حالتي تسؤ ظل يبجي ويبوس ريلي ويعتذر .. انا لما بجى حنيت عليه لان ولا عمري شفت دمعته او ان يبجي جدامي ... على طول رحت يمه وضميته وهديته وقلت له انا مستعده ان نبدي صفحه يديده واوعدك اني راح انسى كل شي بس بشرط تكون متساعد معاي .... واهو قال لي ابيج تحطين باس ورد حق الكمبيوتر وانا ما اقتح الا لما تكونين بالبيت وكان هذا اتفاقنا ..

ملاحظه(( هذي مب اول مره اكتشفه يكلم بنات تقريبا المره الثالثه))


المهم ,, بعدين فعلاً بدينا صفحه يديده وتحسنت العلاقه بينا والحمد لله ...

المشكله اني والله مب قاادره انسى ..... لحد اليوم اذكر المحادثات الي شفتها واظل ابجي وكأن الشي توه صار ... وصرت ما اثق فيه ابداً والحين ابي استعيد الثقه الا كانت بينا قبل بس مدري شلون ... والمصيبه اني صرت ما اثق في نفسي احس نفسي مب محبوبه بعينه .. يعني يوم البس واكشخ واروح له احس نفسي ما امبيه يشوفوني بمعنى اخر احس اني مب حلوه بعينه وهواجس الوساويس تراودني اقعد اقول لو انا حلوه بعينه كان ما راح يدور ويطالع بمواقع ... انا لحد الحين مستمره بواجباتي ولا مقصره معاه بأي شي بس كل هذا غصباً عني ... تكفون ساعدوني .. ارشدوني .. انصحوني ....


تعديل طفيف على العنوان

التعديل الأخير تم بواسطة أبو فيصل ; 30-08-2006 الساعة 02:40 PM