لا تعصبون عليه ، ردة فعله طبيعية وحتى أنا أحس بنفس الشيء بالنسبة للرجال ، لكن حالياً بدا يخف هالشعور عندي !
وأتوقع إن السبب كوننا لسا صغار ونتأثر بسهولة من اللي نقراه ، وإلا لو كنا فاهمين وعارفين الدنيا صح ماتأثرنا بكلام الناس واللي حولنا ، أو على الأقل نقرا المشكلات ونقول " سبحان الله إيه ممكن تحصل! " ، لكن مو بشكل دائم ونعمم .
أخوي شوف كم عدد المواضيع اللي تطرح في المنتدى وتتكلم عن الخيانات ، وشوف عدد سكان السعودية هل فيه مقارنة ؟! ، لا .. يعني الحمدلله الدنيا لازالت بخير ، صحيح مو معناته إن كل سكان السعودية مايشكون من شيء ، لكن إحنا ناخذ بالظاهر ، ومثل مافيه رجال ماشاءالله مثلك مايقدر يستوعب مثل هذي الأمور ، فيه بنات يفكرون بنفس الشيء! وأضمن لك كثير جداً !! .
وعن تجربة هذا الشعور بياخذ فترة لحد مايتعدل ، حالياً لي سنتين!! ، والآن بديت أخف شوي الحمدلله .
الله يوفقك ويسهل عليك وينور بصيرتك عاجلاً غير آجلاً .