اقتباس:
|
أختي الكريمة أمل يفوق الألم.. الله يجعل لك من اسمك نصيب..
|
فعلاً لي نصيب منه / من فضل الله علي
يمثلني جداً ..
و مرات احس انه املي كان سبب من اسباب شقائي في هذه العلاقه
لأنه كلما يكسرني او يخذلني ارجع احاول اشوف بصيص امل .. ونهاية سعيده : /
لكن بالعموم عندي ايضاً أمل انه مهما صار راح تكون النهاية سعيدة
سواء فيه او بدونه
اقتباس:
|
من نعم الله عليك أن وفقك لقطع هذه العلاقة..
|
سبحان الله خليتني استشعر هالشي
كنت غافلة عنه
اقتباس:
|
وكالعادة المرأة دائما هي الخاسر الأكبر..
|
صح كلامك
و انا اصلاً من قبل لا ادخل في علاقة معه
كنت ولا زلت مقتنعه بهالشي جداً
لكن عندي احساس داخلي انه حتى هو خسرني
و خسارته لي اعظم
على فكرة اخي حسن السجايا
علاقتنا استمرت فترة طويلة ( لكن تواصلي معاه قصير جدا )
اغلب علاقتنا كنت اتركه و اتوب فترات طووووووووويلة
و يرجع هو يضعفني
و مرة من المرات غيرت رقمي و بعت اجهزتي كلها
و عشت على جهاز النوكيا و بدون كمبيوتر محمول
اقتباس:
|
وخسارتك وألمك يعتبران لا شيء مقارنة بمن انزلقت لما هو أبعد.. تأملي مصائب وآلام غيرك لتعرفي أنك في نعيم.. قلِّبي بصرك حولك لتري مصائب الناس وآلامهم وتستشعري هوان ما ترينه مؤلماً..
|
سبحان الله : (
انا احس العكس
كتبت الموضوع و انا احس مافي اشقى مني على وجه الكرة الارضية
تدري ليش ؟
احس نفسي رخيصة
احس حتى ( العاهرة - و اعتذر على هالمسمى )
لما تبيع شرفها لشخص تبيعه بمقابل
و انا عطيته امتيازات و بدون مقابل
على الاقل هي تدفعها ظروفها لهالشي وحاجتها المادية
لكن انا ايش دفعني
كثير احس ان التراب اللي يمشون عليه الناس و ينداس اغلى مني
كثير اتمنى اكون رماد
اتمنى ادخل ب غيبوبة او افقد الذاكرة
ما ابغى اتذكر اني دخلت هالدوامة البشعه
سويت هالأمور المقرفة
انا على فكرة
بالواقع اغض بصري
اصوم الإثنين و الخميس استغفر الله اصلي الوتر و الضحى
و احافظ ع السنن
احاول ابر بأمي
ماني انسانة بعيدة عن الله
بس احس بكمية تناقض و انهيار بداخلي
لاني اتواصل معه بالإضافة للعادة السرية
زي ماسبق و ذكرت تواصلي معاه محدود جدا ( منذ السابق )
و حتى العادة السرية / افعلها مرة بالشهر اذا ضعفت و استحوذ علي الشيطان
و قد تمر الأشهر و انتصر على نفسي والشيطان و ما افعلها
لكن انا تعبانة
احساسي اني دخلت بهالشي متعبني
اكتب وانا ابكي
والله محتاجة ابكي
كاتمه بنفسي هالشي لي فترة
تعرف شعور صعب
لما تصون نفسك فترة طويلة
و تقرر ان بصرك و صوتك و قلبك و احلامك تكون لشريك حياتك بالحلال
و فجأة يجي واحد بالحرام و ياخذ كل هالإمتيازات
و ياليته قدر هالشي
كنت أتمنى يكون زوجي اول تجربة لي
اول دقة قلب
اول رجل اقول له الو او اضحك معاه
والله شيء مؤلم
اللي يوجعني اكثر اني مامريت بهالأمور فترة المراهقة
و كنت صاينه نفسي
انا احس اللي مريت فيه صعب ..
مقدر اشوف غيري و استشعر اني افضل
مقدر / تربيتي ، بيئتي ، شخصيتي ، علاقتي مع الله ، مبادئي
ما في شخص يدل اني كنت بطيح بهالأمر
احس اني ابتليت بشي يخالف كل واقعي
و شي بشع جداً
اقتباس:
|
عدم مسح المحادثات ومماطلته معك.. أقل ما أقول عنه (لؤم وخسة).. واشارة لك من ربك لمعدنه وعدم صدقة حتى لا تتأسفي على مثله..
|
ترا هالشي يبكيني اكثر
لانه جا متأخرررررر
ليته قال لي من اول او لمح لي
كان اختصر علي المشوار و مزقت صفحتي معاه
حقيقة
المحادثات ما مسحها / لانه شخص يحب يوقف على الاطلال بكل شي
و يعيش ع الماضي
و انا طلبت يمسحها ( وما صرحت له بهالأمر ) / لاني كنت حاطة فبالي ما ابغى ارتبط بإنسان مستقبلا و يكون لي شي شخصي مع ( عشيقي السابق - الكلمة هذي توجعني )
ابغى اتجاوزه و حتى هو يتجاوزني
و بصراحة ابغى اكون قدوة لأبنائي
ما ابغى بالوقت اللي انا اجتهد اصلح من تصرفاتي و نفسي عشان يقتدون فيني
يكون في شي مني مع شخص ثاني
احس اني كذا ما استحق اكون قدوة
المماطلة / لأنه شخص متردد بكل امور حياته الكبرى ( مو بس فكرة الارتباط فيني )
المهم فراقي عنه خيرة
شخصيته احس ما اتحملها ابدا ..
و مدري كيف كنت اصلا متحملتها ..
كنت اعرف عيوبه من اول سنه
بس مدري ايش اللي خلاني اكمل
يمكن كان عندي امل يتغير او نتزوج ويطلع افضل بعد الزواج
و لأني ما اتقبل الخسارة ولا اقبل ادخل بشي خاسر
فكنت افضل استمر معاه و اصبر و تكون النهاية زواج
على اني اطوي الصفحة عشان كم عيب فيه ( وكنت اتوقع بقدر اصبر )
لكن الحين احس ماعاد فيني ابد
.
.
سأعود لأكمل بإذن الله