السلام عليكم ،
اخواني / اخواتي عمري 25 ، اعرض لكم مشكلتي وان شاءالله تفيدوني من آرائكم ، مشكلتي اني خطبت وحده من قريباتي بدون ما اشوفها ، شفت صورتها فقط وعجبتني وضغطت على اهلي وبالقوه وافقو وتمت الخطوبه بس بعد الخطوب طلعو فيها عيوب انو البنت حقت صداقات وماضيها كذا وجسمها كذا ومو حلوه بس انا مو مصدقهم احسهم ما يبوها لي لانو اهلي واهلها ما يبغو بعض كثير وبينهم حساسيه
طبعاً قبل ما اخطبها بكم سنه سمعت انو فيه شيء بينها وبين اخوي الكبير ويبغى يخطبها بس اهلي ما وافقو وانا ما فتحت الموضوع هذا مره ..
وبدات بيننا مكالمات ومحادثات وتعودت على بنت بس اعترفتلي انها كانت على علاقه مع صديقها مجرد صحبه لاتقابلو ولا شيء كذا موضه بين صحبات انو لازم الوحده يكون عندها صديق وكذا طبعاً بغيت اتركها وجلست تترجاني ماعندي احد غيرك وو.. ورحمتها حنيت عليها صراحه لانها يتيمه
وبعد فتره قالت انو صاحبها القديم اتصل عليها وهي ردت وقالت له انها انخطبت وسكر الخط وبس .. هنا انا بديت اشك فيها اكثر لانها وعدتني انها مراح تكلمو قلتلها ليش رديتي عليه قالت بكل برود لازم اعطيه خبر عشان لايقعد يزعجني قلت لها كان وصلتي الخبر عن طريق صحبتك " صحبتها تقرب لصديقتها" فنسيت مدري ايش قالت لي وانهيت النقاش وتاسفت وبس
انا في حاله الشك مو راضي يبتعد عني الشك لانها تختفي كثير بحجة اهلي يكونو عندي وما اقدر اكلمك واهلي عندي لانو عيب عندهم مكالمات بين الخطيب والخطيبه واذا شفتها متصله عالواتس ما ترد لساعات تقول الجوال كان عند اختي
وقبل كم يوم قالت عادي اكلم عيال خيلاني وبناتهم في القروب ؟ طبعاً قلت لها لا بس قالت انها كلمت واحد من عيال خالها قبل ما تستاذن وورتني الكلام كان كلام عادي ومزح على الخاص وشويه في قروبهم .. الحين انا ماصرت اثق فيها وناوي اتركها وانهي العلاقه بس يجي ببالي انها تعلمني عن كل شيء اذا كلمت وكذا فما ادري محتار ومتضايق ما اقدر اتركها ولا ابغى اخليها عندي ما اعرف شسوي علماً البنت تحلف انها تحبني ومليون اتصال اذا زعلت عليها بس اول ما ارضى تروح تكلم بنات خيلانها وبس ولا تعطيني وقت .. منتظر دعواتكم وارائكم 🌸