حرام عليكم يالي تقولون حالتها دلع في دلع انتم ما تعرفون شي عن حاله هالمسكينه زوجها ادرى فيها اذا ما بتقولون شي مفيد اسكتوا احسن هو قاعد يستشير عشان يشوف الحل الامثل لزوجته وانتم بكلامكم هذا تزيدون الفجوه بينهم وتحسسونه ان زوجته تتدلع - اذا كانت تعاني اضطرابات في طفولتها اكيد هذا سبب حالتها لان الطفوله والاحداث الي يمر فيها الطفل هي الي راح تؤثر على شخصيته في المستقبل ----الطفل الي يعيش في بيت فيه مشاكل بين الاب والام ولو كانت عاطفيه وحتى لو ما امتدت لهم راح تصير فيهم عقده من الزواج او على الاقل راح يحسبون ان هذي هي الحياه الزوجيه مشاكل وزعل وصياح فما بالكم لو كان الاب يضرب الام امامهم ويضربهم هم بعد كيف راح يتربون انا اعرف واحد تزوجت امه وهو صغير بعد وفاة ابوه مع انها ما تخلت عنهم ولا شي بالعكس كانت مبديتهم على زوجها بس من كثر ماهو متعلق في ابوه حس ان امه خاينه وان الحريم بس همهم الجنس وكبر وتزوج وهو فيه هالعقده وهي كره النساء عموما وان كل الحريم خاينات واول فرصه تسمح راح تتخلى عن زوجها وذكرياتها معاه ---- موهذا المهم اعتقد انو مافيه احد منكم معارض على ان طفولتها وتربيتها ومعاملة ابوها هي السبب لكن يبقى الحل واعتقد انه راح يكون الطبيب النفسي والرقيه الشرعيه والاهم المعامله الطيبه من زوجها واهتمامه اعذروني اذا كان ردي مشابه لرد احد لاني ما قريت الا الردود الاولى وانقهرت لما شفت البعض يقول دلع وخرابيط اى دلع الله يهديكم لو انه دلع كان اول ماشافت انه مو قاعد يجيب نتيجه تركته ورجعت لوضعها اول خصوصا لما وصلت مشاكلهم لدرجة الضرب لانها ساعتها بتكره الدلع وسنينه الحرمه معاها تشنجات وصرع وانتم تقولون دلع