احترت معاه احس انه اصبح غريب (المشكله حلت ولله الحمد)
مراحب
حبيت اطرح مشكلتي ومحتاره كيف اقولها على العموم
.. انامتزوجه صار لي 3سنوات .. سنتين الأولى كنا زي العسل
لكن انا اتوقع سبب اللي خربت بيتي بيدي لأن من كثر زوجي اهتمامه بجواله شكيت فيه وطلع شكي غلط فصار هووشه بييننا وزعل والحمدلله تصالحنا ..
(كتبت موضوعي السابق هنا بالمنتدى)
بعد ماتصالحنا لمدة شهر كنت ارتب غرفتي .. فجئه مالقيت ذهبي بغرفتي .. فسألت زوجي قال عند امي يعني (عمتي).. استغربت بس قلت له اوكي ..
ومر على الذهب اسبوعين او اكثر ..
لكن يوم الخميس .. حسيت باااحساس قوي اني افتح جواله .. وكنت متردده .. ففتحت الجوال ..سبحان الله لفيت كاتب رساله وحافظها مضمون الرساله
(حبيبتي ترى الذهب بعته علشان عندي ديون وضغوط نفسيه و إن شاء الله اجيب لك احسن منه )
انا استغربت حتى قمت ارجف .. ولاحسسته اني قريت الرساله ..
وجا وقت العصر سألته قلت طالع محل ::
قال::ايه بروح الاحساء
قلت اوكي وجمعت ملابسي بشنطه استغرب هو جلس يطالع فيني .. قال وشفيك قلت علشان اجلس عند اهلي فال طيب ليش تاخذين شنطه .. ماابجلس الا يووم وواحد .. قلت مومشكله ..
وبعدين كان هوا ناازل تحت (احنا ساكنين بالدور الثالث واهله تحتنا يعني ببيت وواحد )
فقلت له دامك نازل تحت جيب اغراضي من امك ..
وبعد مااوصل ماشفت معاه شي .. اتصلت عليهم وردت اخته سألتها عن الذهب قالت ماشفنا شي ..
وانزل تحت على طول سألت عمتي ::: قالت مااااشفت ولا ذهب يمكن حطاه بالبنك ..
دخل زوجي بعدين سألته قلت تقول الذهب موعندها قال اطلعي فوق وهو معصب .... وطلعت وعلى طول طلع معاي .. قال ليش تنزلين .. قلت وين الذهب قال بعته
قلت وشلون بعتتتتتتتتته قال كنت معصب من السالفه اللي قبل وبعته ..وسددت ديووني
قلت ليش ماقلت لي سألتني استأذنت وشون تتصرف كيذا .. من جد عصبت قلت الذهب كله حتى الشبكه .. قال ايه .. قلت وش تبيني اسوي الحين ولاتكلم وقام يضحك بسمه خفيفه قلت من ايش تضحك .. قال على الدنيا .. قال يعني يهمك الذهب مايهمك ديوني .. قلت مو المسأله كذا بس مسألة مبدا .. ولاأنا ماراح اردك ..
قلت وش تبيني اسوي الحين قال البسي عباتك ..
وجيت عند اهلي ..
واخر الليل رسل مسج مصمون المسج
انا مارحت الاحساء لأن عندنا عزا
..
هذالكلام كان يوم الخميس
ولاااتصل ولاشي ارسلت له مسج عظم الله اجركم ..
ولا رد واتصلت اكثر من مرة ولا رد ..
المسأله تحير وربي وشرايكم انتو
واخر مسجاتي .. قبل شوي كانت مضمونها
(وحشتني وينك .. وسالفة الذهب محد يدري عنها )
..
والحين وشرايكم انتو ايش اسوي محتارة والله
(للعلم الموضوع كتبته بمنتدى اخر )
التعديل الأخير تم بواسطة عبـدالعـزيز ; 04-05-2008 الساعة 11:14 PM