السلام عليكم ورحمة الله وبركاته

انا في حيره صار لي كم يوم
بسبب انه تقدملي ولد عمتي وما شاء الله عليه ما فيه بنت ما تتمناه
عن دينه واخلاقه انا اعرفها زين لاننا نعرف بعض كعائله مع اني ما اقدر اتأكد من هالشي حتى لو خطبني اي احد ثاني
وعن طيبته وحنيته فأذكرها من وانا صغيره لما كان شاب كان يلعب معانا ويراضينا اذا زعلنا ويشيل عنا الهم
مو انا بس انا وكل من كان في سني ذاك الوقت ( 7 و8 و9 و10 سنين ) حتى الكبار واللي في سنه
هو الآن ما شاء الله مهندس ويشتغل في شركة كبيره وبراتب عالي
عن المظهر فهو ما شاء الله تبارك الله ما راح اتكلم عشان ما احسده على جماله
عن المسؤوليه فهو درس سنة في الخارج ( بعثه من شركتة ) وحمل مسؤوليه نفسه
غير انه هو الشاب المتبقي في عائلته ويلبي لهم رغباتهم برضاه
انا راضيه عنه اتم الرضا حتى ابو اللي هو خاله معجب فيه من زمان وكان يتمنى انه يتزوجني او وحده من خواتي وصار الموضوع شبه حقيقي
لكن في مشكلة او يمكن انا اعتبرها مشكله
العمر .......................
انا عمري 20 وهو عمره 29
انا يمكن اكون غلطانه لان في كثير قالولي هذا انسب عمر
بس كذا انا احس انه كبير علي مع انه شبابي جداً
وبرضو زمان كنت احس انه زي اخوي الكبير


انا خايفه ... خايفه من مشاعري
هل راح احس انه كبير علي ....؟ يعني السؤال هل هو صدق كبير علي 9 سنوات ؟؟؟
السؤال الثاني انا ما اكن له اي مشاعر حب ومن انا صغيره كنت اعتبره مثل اخوي
هل لما ادخل في موضوع الزواج من جد راح تبدى المشاعر بيني وبينه
اتمنى تجاوبوني على هالسؤالين وتقولين لي تجاربكم في فارق العمر وزواج الاقارب بدون ما تقولون ( صلي الاستخاره ) انا ان شاء الله راح اصليها بس ابغا اعرف آراءكم بخصوص موضوعي
والصدمه الكبيره انه قال لابوي انا انتظرت لين وصل عمري 29 و عمرها ( اللي هي انا ) 20 سنه عشان اتزوجها هي مخصوص
يعني لهالدرجه هو كان متعلق فيني ؟؟؟؟؟