رد : شاركونا بأنواع مقبلات
اقتباس:
المشاركة الأصلية كتبت بواسطة ملَك شادي
والله مافي احلا من شرايح خيار وبندورة وجزر وفلفل
وعجنب مايونيز للنكهة
ولا عصرة ليمون وملح
ههههههههههههههههههههههه
عصر السرعة
صراحة انا عاشقة المقبلات والشوربات وكمان الاكلات الرئيسية والجانبية
عاشقة لكل الاكلات هههه
قاعدة بدي افكر في سلطة لزيزة
مابحضرني هلأ في بالي اشي
ولكن ...
السلطة الخضراء العادية لو اضفتي الها مكعبات افوكادو
والدريسينج يكون ليمون و ملح ورشة ففلفل وزيت زيتون و شوية مايونيز وماسترد
كتير كتير طعم مختلف
واضافة الافوكادو بتعطي دسامة للسلطة و بتحسسك انها اشي فخم
في سلطة الدقة الفلسطينية مممم لزيزة كتير
في الهاون المدقة يعني الفخارة او الخشب بتعرفيها؟
بتحطي بصل وفلفل حرااااق طبعاااا
و رشة ملح وبتدقيهم
وممكن بدل البصل توم
المهم و ممكن تضيفي شبت اخضر او ناشف بذور بصير اسمه عنا عين جرادة  جماعتنا احتارو في اسم البذرو فصارو يتفحصو الكائنات الحية لغاية موصلو للجرادة ولاقو عينها نفس شكل البذور هي هههه
المهم وبتدقيهم سوا وبتطلع هيك مية البصل و بعدين بتضيفي بندورة مكعبات طرية شوي
وبتدقيهم برضو
وممكن بالاخر تضيفي مكعبات خيار صغيرة
و ليمون و زبطي الملح
و عالوجه زيت زيتون
واسرحي عاد في عالم الخيال
تفتح النفس عالاكل كتير بنقدمها مع المقالي او الفلافل او الطبخات البامية والملوخية وهيك اكل
بجانب الطبخ التقليدي مش الستيك و المكرونة طبعا
المكونات باختصار لاني حاسة اني سرحت
بصل وفلفل حراق و عين جرادة او شبت اخضر او ثوم بدل البصل و رشة ملح
ويدق المكونات السابقة ويضاف البندورة و تدق ايضا لغاية شوي تصير متفغصة و يضاف الليمون و الملح و زيت الزيتون عالوجه
وسبب اضافة الملح للدق في الاول انو بسهل العملية و بطلع العصارة وتطلق النكهات المتخبية
وصحة وهنا
ولو تزكرت شي تاني بقول |
ههههه اي والله كلنا يحب كل الاكلات
ملك انتِ عسل
الافوكادو ما عمري جربته مع ان زوجي مرة تهور واكل واحدة كاملة 
لكن انا مستحيل اتخيلها مثل الصابون 
زوجي بعد ما سمع تشبيهي كرهه 
شفت مرة هارسنه مع بصل مفروم ولا عارف ماذا اايضا
المهم هو جدا دسم
بس مفيد جدا
والنوع الثاني يشبه كثيرا لنوع عندنا في ليبيا اسمه شرموله (ما تضحكي على الاسم 
)
المهم شبيه اعتقد عندي فكرة عن الطعم
بس نحن بصل وليس ثوم
عموما سأضعه مستقبلا
ان شاء الله لكن بعد ما نشوف همتكم اكثر
نورتي ملوكة وبارك الله فيك دائما استفيد من اطباقك الجميلة
جاري تطبيق النوع الثاني على طريقتكم طبعا 
__________________
أما والله لو علم الأنام *** لِما خلقوا لما هجعوا وناموا
لقد خُلِقوا لأمر لو رأته *** عيون قلوبهم تاهوا وهاموا
ممات ثم قبرٌ ثمّ حشرٌ *** وتوبيخٌ وأهوالٌ عظامُ
ليوم الحشر قد عمِلت رجال ***فصَلَّوْا من مخافته وصاموا
ونحن إذا أُمرنا أو نُهينا *** كأهل الكهف أيقاظٌ نيام