السلام عليكم ورحمة الله وبركاته

اخواني واخواتي الاعزاء ..

بمواضيع الخطوبة الي نشوفها بهالقسم لفت نظري شي
التشدد المبالغ فيه من بعض الرجال بمواصفات شريكة الحياة
وبالاخص فيما يخص نمط الحياة العام ..

يعني سواء بمجتمعي او بهالقسم الاحظ عبارة تتكرر كثير :
( مابيها راعية اسواق ولا مشاغل ولا سفر ولا مطاعم !! ) ..
بناقش هالنقطة باالذات :

- الاسواق المشاغل المطاعم السفر ليست من المحرمات ..
فليش يصر هالرجال على تحريمها ؟؟؟

- البعض يحتج بفكرة المستقبل وتكوين الاسرة وهنا انا اسال :
هل تتعارض هالامور المباحة مع بناء الاسرة ؟؟
هل المفروض البنت تجلس بين اربع جدران ماتعرف احد
ولا احد يعرفها عشان تثبت انها زوجة صالحة ؟
هل يتوقع الرجل ان نفسية زوجته بتكون متوزانة وهي محرومة
مع متع الحياة المباحة هذه ؟

للاسف كل هالرجال الي شايلين براسهم هالفكرة السلبية
اما ان يواجهون صعوبة اثناء الخطبة ما راح يلاقون بنت ترضى
بهم بسهولة .. لان هالنوع من الرجل ينعرف من شروطه هذي
بكل سهولة انه رجل اناني .. يبي يعيش مع البنت ياخذ
منها ولا يعطيها ولا تهمه سعادتها.. لذلك شي طبيعي جدا ان يرفض ..

وان حصلو بعد جهد جهيد بنت رضيت فيهم
فتكون حياتهم غير مستقرة وعرضة للانهيار بسبب التفكير المتشدد
الي يفرض فيه الرجل على زوجته ان تدفن نفسها بمسؤولياتها
وتنسى حقها كانسانة وكزوجة وكام بالاستمتاع بمباهج الحياة !!

وبعد هذا كله نشوف الرجل يشتكي زوجتي ما تهتم بلبسها
ما تهتم ببيتها وما تتكشخ الا اذا جت تطلع ! ولا تهتم بالفراش !!!!
كيف يطالب الرجل بما يرفض ان يعطيه !!! امر عجيب !!


وفي اشياء اخرى لاحظتها وحبيت اذكرها لانها تدخل بنفس
الموضوع .. ولكن فضلت احكي عن هالنقطة اولا .. عشان يكون
النقاش مرتب .. فما رايكم ؟؟




-

__________________



احيانا يجب ان نفقد ذواتنا كاملة لكي نستعيدها كاملة ...