اولا يعتمد على شخصية كل الاطراف ،، فمثلا لو الابن او البنت يعرفون ان امهم او ابوهم مهما يصير ويبذر منهظ راح يوقفوا بصف ابنائهم وما يهمهم باقي النقاط اذن هنا لازم البنت ا الولد ياخذ زجاجة ويضع فيها اسرارة ويقفل عليها والباب اللي يجيك منه الريح سده واستريح ،، لان بهالحالة الاهل راح يخسروا ابنائهم وحتى يكسبوا سيئات من غير علم والابناء تكون مصير حياتهم الفشل ! اذن القرار وحده يعود للرجل او المرأة بنقطة ايصال كل شارد ووارد الى اهلهم ..

ايضا هالموضوع يحتاج لجلسة تفاهم بين الزوجين وعلى الامور اللي تطلع من تحت سقف البيت وااامور التي لا يجب اخراجها عشان يتعلمون حل مشاكلهم بانفسهم ومنها يقوون نفسهم لمواجهه مشاكل اكبر من هالبسيطة ..

بالنسبة لي ،، والدتي ووالدي دامه يعرفون اطباع اولادهم ومنهم انا فيتفاعلون مع كل شكوى من اي طرف على حسب شخصيته والحمدلله انهم بهالحكمة ههههههه وعن نفسي دائما ما تقلب الطاولة على راسي ووالدتي من النوع اللي ما يحب نقل الكلام والقيل والقال حتى المشاكل بين اخوتي وزوجاتهم ... ودائما عندها هالجملة تقولها لها ( ما يثقل القلوب الا الحجي المقلوب )