كل الى صاير فى حياتك هو نتيجه الـ 8 شهور الى رحتيها بيت اهلك
هالشئ خلاه يحس انه مو مهم عندك أكثر من الدراسه فضلتى دراستك وأهلك على زوجك الحين وش نفعتك دراستك فيه ؟؟!!
وتتركى بيتك شهور عشان ماجاب خدامه غيرك ماعندهم خدامات وعشان ما يودي ويجيب على قولك......هوا يشتغل سواق عندك عشان كل شوي يودي ويجيب؟؟ أرحمو ياناس

أنتى كسرتي اشياء كثيييييييييييير بينك وبين زوجك وخلاص واضح انه هوا مهما سويتي له ما راح تفرق معاه لان الـ 8 شهور حازه فى خاطره وهو الحين حاط فى راسه انه المركز الثانى ودراستك وأهلك المركز الأول............ولو تلاحظى انه احيانا يقول لك اوديك لبيت اهلك بتريقه ( وانا متأكده انه يقولها بأستهزاء ) رغم مرور فتره على رجعتك.....تدرى ليه يقولها بأستهزاء لانه باقى يحس انه مش الأول عندك انا متأكد انك صنعتى حاجز ثانى بين اهلك وبينه
الخطوات الى اتخذها هوا طبيعيه لرجل مثل حالته انتى تقولى انه بدأ يطلع وما يهتم فينا ............ طبيعي جدا الرجال يبغي يبين لك انه انتى بعد ترى مركز ثانى يعني اذا انتى عندك اهل ودراسه ترى انا عندى اصحاب وطلعات وانتى مو مهمه عندى
الرجال يبغي عاطفه وراح يدورها فى النت ( مع انك تقولى انى اهتميت فيه وسويت له الى يبغي ) يمكن انتى تحسبي انك سويتي زي ما انتى تبغي مو زي ماهو يبغي او يمكن تسويه بدون احساس او بدون نفس ....الخلاصه انه جاب لك وحده وانا متأكد انه يبغي يشوف رده فعلك او يقهرك لا اكثر هو لا يحبها ولا شي لاكن يمكن لقى عندها الى مالقاه عندك من اهتمام غير الى انتى تعطيه اياه وارجع اقلك هو ما يحبها والدليل انه راح يضمك بعد ماشافك زعلتى .......يمكن احد يستغرب كيف يضمها بعد ماكان دايم يكلمها بدون نفس....... الرجال ضمك لأنه حس بحبك له حس انك تبيه لمى شاف الدموع فى عيونك وهذا هو الى من اول يدور عليه انه يحس بحبك


تطنيشه الواضح وميله الى القعده خارج البيت وعند اصحابه صدقيتي له هدف وانتى قلتى حتى لمى يقعد فى البيت يقعد على النت ( صدقيني له هدف )............ الرجال عنده كبرياء ومن جوا مجروح لاتتوقعى منه يطلب منك تحسسيه بحبك له الحب ما ينطلب .....ارجع واقلك رده فعله هاذى لان الاشياء الى تسويها بدون احساس صارت ماتفرق معاه لانه عارف من جوا انه المركز الثانى عارف انك فضلتى اهلك دراستك عليه وهاذى مضايقته كثير وانتى لازم تبيني العكس وتنسيه هالنظره


هذا هو بختصار مشكلتك زوجك لااااااااااااازم يحس انك تبيه لازم تغيري طريقه تعبيرك له وكلامك انا اتوقع انك انتى من الناس الى يقول كلمه احبك بدون احساس وممكن تقولى كلمه احبك من هنا وبعد شوي تتصرفى تصرف يعكس معنى هالكلمه و زوجك حساس راح يلاحظ هالتناقضات بيني له انه هو سيد الناس هو الملك هو كل حياتك احتويه وخليك كذا دايم لاتتغيري اذا جا يطلع برا البيت تمسكي فيه ترجيه قولى له لاتطلع ابغى اقعد معاك يمكن اول او ثانى او ثالث مره ما يقعد بس رابع مره بيقعد لأنه بدأ يحس انه مهم عندك انسي اهلك الأسابيع الجايه وركزى على زوجك لاتكثري زيارات صدقيني الموضوع عاطفى بحت عنده اتركيه فتره الين يحس بحبك له هو بنفسه بيقول يلا تعالى اوديك لا اهلك ولو انتى ذكيه وقتها قولى ما ابغي اهلى ابغى اقعد معاك اذا قعد على النت سوي له كاسه شاي وكمان هالمره ممكن يرفض سوي له اى شي يحبه عصير اى شي وحتى لو رفض قولى انا ابغاك مبسوط وهذا العصير الى تحبه مثلا منى
اقعدى معاه اذا قعد على النت شاركيه اهتمامه تكلمو عن الحب بتفاصيله وكيف الناس تحب وتنحب وكيف طباع الناس فى الحب يمكن تعرفى من كلامه ايش هو الحب الى يبغاه
اذا ماتكلم الفى له قصه ان وحده من صديقاتك تسوي كل شي لزوجها بس زوجها ما يحبها واسأليه ليش برايك الرجل كذا ؟ صدقيني وقتها راح يفضفض عن قصته هو وراح يبين لك وجهه نظره وانتى طلعى الحلول من كلامه

انا ما اعرف طبيعه مشاعرك يمكن انتى تحبيه لاكن مو هذا الحب الى يبيه زوجك او يمكن انتى ماتعرفى توصلى مشاعرك او تعبرى او يمكن برود منك ويمكن اصلا انتى ماتحبيه......... زوجك بختصار يبغي وحده تحتويه
واذا انتى ماتحبيه تخيلي انك تحبيه تخيلي ان هو دنيتك كلها صدقيني راح تحبيه

سوي الى قلت لك عليه اذا ماتغير لاتسميني زياد
والله يوفقك وييسر أمورك

تحياتى