اقتباس:
المشاركة الأصلية كتبت بواسطة خالد_عبدالله
اخوي في كل مكان حتى بالوظايف الحكوميه ..
اي تقصير من قبل الموظف يعطى انذار اول ثم انذار ثاني ثم في الثالثه يا يعطى انذار اخير او يتم الاستغناء عن خدماته ..
في حالتك انت عطيته مليون انذار .. وبدل لا تفرض عليه عقوبه زودت راتبه !!
بما انه مقصر في عمله لك كامل الاحقيه بإنهاء خدماته ..
عاد هو يتصرف عقب .. يا انه يرجع بلده .. او يشوف له احد ينقل اقامته عليه ..
انت بس عطه انذار اخير ويفضل يكون كتابي ..
واي اجراء تتخذه احرص ان يكون موثق ..
لا تأمنهم ..
انا عندي مكتب اجار سيارات وللحين تقريبا منهي خدمات ثلاثه عمال ..
واغلبهم وقت انهاء الخدمه يشتكي علي في الجوازات بأني ماكنت اعطيهم رواتب ..
بس الحمدلله عندي كل شي موثق ومسجل واما اخطوا اي خطوه الا مسجله وموقعه من طرفي ومن الطرف الثاني وكلها اوراق رسميه ..
والخطوه اللي بعدها حط كاميرات في المحل تسجل اوتوماتيك..
توكل على الله اذا ما انصلح افصله .. ماعليك اي شي ..
|
الله يجزاك أخوي ..
هذا المتبع مع جميع العماله التابعه لي ..
مسير رواتب وبالبصمه ..
المشكله الأن الرجل تأكدت أن عقليته فيها خلل ..
الرجل غير طبيعي ..
قبل كم يوم طلب سلفه على الراتب وعطيته الأن يقول لي أنت سامحتني فيها ...!
ي رجل شككني في نفسي ... ويحلف بعد استغفر الله العظيم .. والله ماهمتني
لكن وشله يحلف كذب أعوذ بالله ..
وبصراحه دخلني الخوف على عيالي .. هم بالمدارس الأن والسالفه اليوم الصباح ومن تصرفات الرجل أتوقع منه جميع الأحتمالات .. الله يكافينا الشر ..
الرجل طلب امهله شهر يدبر عمره بكفيل ثاني ..
وأنا ماودي انه يجلس على كفالتي .. أبي اسفره
وش الشور ؟