منتدى عالم الأسرة والمجتمع - عرض مشاركة واحدة - جارتي سوف تلد و ليس لها بعد الله سوى جاراتها

10-11-2008, 10:35 PM

غموض السنين

عضو مميز

تاريخ التسجيل: May 2007

المشاركات: 2,173

حبيبتي غلا

هلا وغلا

شوفي انا راح اقولك من مدة بسيطه كانت اختي نافس عندنا ماشاء الله لاقوة الابالله

وراح اقولك وش كانت امي تسوي لها وتخليني اعملها

امي اذا صار فيه نافس يوميا تعمل لها ترمز (زمزميه) قرفه تقول للنفاس

يعني لازم القرفه للنافس
وكمان يشربونها يوما كاسه كبيرة من الحلبه

وهذا ضروري جدا

بالبدايه نبداء من فطورها
فطور النافس لازم يكون بيض ديرة (يعني الى عندة دجاج بالبت يربيه يجيبه لها )مو البيض الى ينباع بالسوق الى كله كيماوي فهمتي علي

مع كاسه حليب ساخنه عشان الرضاعه مع خبز مصلي انتي تسوينه بنفسك ياحلوة

الغداء يكون مرقه لحم دجاج لازم تاكل لحم ودجاج عشان تتغذاء كويس بعد الولادة

العشاء يكون اما مرقرق مطازيز خضار اي شي تحسين انه يغذيها

فهمتي علي

بعدين النونو لاتحممونه الاسبوع الاول وخصوصا ان الشتاء داخل علينا

بعد الاسبوع الاول حمميه جيب طشت هذا حق تحمم النونو وحطي فيه فوطه كبيرة (منشفه ) افرشيها داخله نومي فيها النونو وحمميه اشوي اشوي كبي عليه المويه بس لاياصل لوجهه انتبهي

لايموت بعدين واذا خلصتي لفيه بفوطه ثانيه واغسلي راسه اشوي اشوي بالشامبو بس لاياصل المويه لوجهه
اتمنى فهمتي علي

اذا مافهمتي قوليلي اعيدلك الشرح

صح قبل ماانسى كمان بعد عشر ايام من ولادته لازم بعد عشر ايام تاكل رشااااااااااااااااد لين تطلع الاربعين تقول امي زين للنافس وضروري والبصل الاخضر يمدحوووونه للنافس

ولاتنسين تعملين لها غسول يوم تدخل الحمام وانتي بكرامه واذا ماتعرفين وشو الغسول قوليلي اسالك امي بس الى اعرفه ومتذكرته ان تحط معاة قشر رمان يابس

اما عن عيالها ربي يعينك عليهم اذا هم يخافون من ابوهم حاولي كل ماعملوا شقاوة خوفيهم بابوهم وان شاء الله يمشي معاهم

ويارب عقبال ماتساليننا وش تعملين بنفاسك وولادتك اللهم امين

__________________
ياكثر ماعندك من خير يارحيم
بس يبغى لنا شويه صبر
الحمدلله كما ينبغي لجلال وجهك وعظيم سلطانك