اخى الفاضل ابو مريم
اولا انا سعيده جدا ان الرجال بيخافوا على صحتهم انت عارف السمنه بتؤثر على الصحه عامه
الزينيكال اولا يعتبر اكثر الادويه امنا مهما ان حاربه اى دكتور لا يعلم او شركه ادويه بتروج لدوا تانى
ممكن تدخل على موقع الدوا نفسه اخسر وزنك تكسب صحتك وهتلاقى معلومات مفيده جدا جدا
بالنسبه لرد بنت مكه الرد مش صحيح
اللى بيحصل مع الكل ومنهم بنت مكه
انت بتاكل مثلا او هى كنتاكى كل يوم
وبتاخد زينيكال فوزنك بيقل
بعد 3 شهور هتبطل الزينيكال وهتستمر على الكنتاكى لازم طبعا تزيد لسبب بسيط جدا
الزينيكال بيرمى 30% من الدهن الموجود بالطعام خارج الجسم مع الفضلات
يعنى لو ال1000 جرام دهون بيعملوا زياده وزن 10 كيلو مع الزينيكال هيعملوا 7 كيلو بس لان اللى دخل جسمك 700 جرام دهون
بطل الزينيكال ال1000 جرام هيعملوا العشره كيلو عادى
تاكل دسم وماتاخدش زينيكال لازم هيزيد وزنك تانى زى الاول طبعا
الزينيكال فيه ماده مهمه جدا جدا اسمها اورليستات برضه ادخل عالنت دور عليها واقرى بتشتغل ازاى فى الجسم
الزينيكال بيتاخد قبل او بعد او مع اى وجبه دسمه
يعنى وجبه مقالى وبعدها حلويات وبعدها تورته مثلا كل ده انت اكلته فى ساعه هتاخد حبايه واحده بس
اولا لو هتشتريه من مصر لازم تجيبه من مكان انت واثق فيه ويكون مكتوب على ضهره الشركه المصريه لانهم هنا بيغشوه بصراحه فى مصر بيبقى تركى او كده وده بتدفع فلوس عالفاضى وحرام
الزينيكال الاصلى بعد استعماله بيوم بتبدأ تشوف النتيجه
فضلات دهنيه
سعر الشريط 110 جنيه مصرى اشريط به 24 حبه
العلبه بها 4 او 5 شرايط لا اتذكر .......
الزينيكال حل يساعد على انقاص الوزن مع ضبط وتغيير النظام الغذائى كثير الدهون
يعنى اعتبره توفير فلوس
بدل ما تاخد 3 وجبات دهون ب3 حبات دوا
يعنى 110 جنيه بالاسبوع
خليهم وجبه واحده دهون مع حبه واحده ب110 جنيه بالشهر
طولت عليك معلش
لا الضغط ما فيه مشكله خالص مش هيكون فيه اعراض جانبيه باذن الله
__________________
ليس كل ما يلمع ذهباً