يا بنت الحلال حتى لو بتستخدمين التجاهل مش بهالطريقة
صدقيني إذا بتقولين له كل يوم أنا مش سعيدة معاك .. ودني بيت اهلي .. ما ابغيك وكأنك مغصوبة
والله هذي اهانة كبيرة
وش تبينه يسوي .. يجلس يبكي لا ابيكي الله يخليك لا تروحين
اوكي تهاوشي .. زعلي بس بدون تجريح
طيب عشان تعرفين وقع الموقف على نفسه حطي نفسك مكانه
تخيلي اهو الي قالك أنا مش سعيد معاك .. ليتني ما تزوجتك .. بترك البيت لك وأطلع
والله وقعها ثقيل على النفس وتحسين هالكلمات تحطم جبل مو انسان بس
انا ما اقول انك غلطانه دائماً لأني ما أدري وش مشكلتكم بالضبط ..
يمكن يكون معاكي حق 100 % في الي صار .. ويمكن الحق معاه
ويمكن اثنينكم أخطأتوا ..
بس اسلوب الزعل والكلمات المنتقاه تعمل فرق في نتيجة الخلاف
يعني صراخ ورفع صوت + كلمات تحطم النفسية وتخدش الكرامه
وش تبين النتيجة تصير .. حتى لو معاكي حق بيشوفك غلطانه
يا بنت الحلال شكلك عصبيه صح أو أنا غلطانه
معليش يا قلبي عديها هالمرة .. والمرة الجاية اذا صار هواش الله لايقولها طبعاً
انتبهي لنفسك وطريقة كلامك
__________________
..كالاطفال نحلم إننا ننام على سحاابة بيضاء يعطرناا المطر ..