قريبتي المراهقة و اعجابها بزوجي..(تم حل المشكلة )
السلام عليكم ورحمة الله وبركاته ..
انا متزوجة ولد عمتي وساكنين مع جدتي بنفس البيت وعمتي جت من كندا واستقرت ببيت جدتي لفترة وبنت عمتي عمرها 15 سنة هيمانة بزوجي !!
كيييييييييف عرفت ؟؟!!
عرفت بعد مادخل زوجي ويسلم على عمتي وانا كنت بالمطبخ يوم سمعت صوت زوجي طلعت واطالع ببنت عمتي واحصلها تناظر زوجي نظرات اعجااب وبعدين تعوذت من إبليس وقلت اكيد الشيطان بيفر راسي ..
بس بالليل حصلت مسج بجوال زوجي من رقم غريب مكتوب بالمسج سبحان ربي يوم أبدع في رسمك !!!
وبعدين اتصلت على الرقم من جوال زوجي وماردت وبعدين ارسلت قمرك يخجل !!
وبعدين خزنت الرقم بجوالي واتصلت وطلع اسم بنت عمتي !!
وانا خفت يوم رسلت قمرك هل هو فعلا زوجي يحبها ولا هي نسبت نفسها قمر لزوجي ؟؟
وبعدين جلست اراقب الوضع وانا على اعصاابي لاني ماابي اصارح زوجي قبل مااتاكد من مشاعره اتجاهها ..
واذا جاء زوجي من الدوام تجلس بالصاله واذا طلع فوق ينام تطلع هي فوق وتنام وبكل حركاتنا ورانا وصايرة مثل الرادار وصابرة ابي اكشف مشاعر زوجي ..
وقبل أمس جاء زوجي يطلع من الغرفة يوم فتح الباب قال لاحووووووول ورجع دخل وقفل الباب ورجعت فتحت الباب وحصلتها كاشخه وجالسة بالغرفه المقابلة ويوم شافتني قامت وقفلت الباب وانا كنت اناظرها بناظرات استحقار ..
ومن ذاك اليوم مابعد شفتها بس اذا كان زوجي لحاله تمر من عنده !!
وصارحت زوجي وقالي اتركيها مراهقة وهم كلها فترة وبيرجعون لكندا وانا ماراح اصبر اكثر من كيذا ويمكن تدور لها احد غير زوجي هل اخبر عمتي او لا ؟؟
عفواً تم تعديل العنوان ليتضح المضمون
الإشراف