منتدى عالم الأسرة والمجتمع - عرض مشاركة واحدة

25-12-2009, 08:55 PM

متفائلهـ

عضو مثالي

تاريخ التسجيل: Nov 2008

المشاركات: 1,553

عليكم السلام والرحمه،،

رووح النفسيه لها دور كبير في السمنه او النحف ،،

مم وش رايك تجربين معي هالعصير لي 8 ايام اداوم عليه لقيت وحده كاتبه عن تجربه لها كان وزنها 40 والحين 58بأسوي نسخ لها واقريها ،،

كان وزني 40 كيلو يعني عظم

والحين وزني ولله الحمد 58 من فضل ربي

والحلوووووووو إن هذي الطريقة لذيذه موووووووت

المهم هذي الطريقة تستعملونها مرتين في اليوم بداية لمدة شهر بعدها مرة بس في اليوم تكفي واللي تحب مرتين مو مشكلة
والمهم والأهم إنكم تداومون عليها

وأتحدااااااااااكم إذا ما سمنتوا خلال شهر بإذن الله والكل صار يسأل

ليشششش أتحدى؟؟!!

لأن جسمي كان غير قابل للسمنة لو آكل ما آكل ما يزيد وزني نص كيلو

جينا للطريقة واللي مكوناتها من ستة أشياء طبعا من ضمن هذي الأشياء بيضة أنا حذفتها احتياطا من انفلونزا الطيور لأن البيض لازم يستوي إذا ودك تستعملينه وفي هذي الطريقة البيض ما يستوي علشان كذا حذفته
وهذي الطريقة ما تأخذ من وقتك أكثر من خمس دقايق يعني حتى العجازه بتسويها،،،،،،، أول شي تجيبين سبع تمرات أي نوع أنا أفضل الخلاص وتنقعينه في مويه حااااره شويه بس المويه لا تزيد بس علشان يلين
تحطين التمر + كوب حليب طازج أو مبستر ( استعملت حليب المراعي الطازج أبو 3 ريال) + كوب عصير مانجو طازج يعني اللي صلاحيته شهر بس مو معلب فترة طويلة ( استعملت عصير المراعي) + ملعقة عسل + موزة واحدة
تخلطينهم مع بعض والله ألذ عصير شربته بحياتي أدمنت عليه،،،،، وما صدقت صديقتي يوم قالت لي بتسمنين خلال شهر واحد قلت كذااااااابه بس من جد سبحان الله هذي الطريقة الوحيدة اللي سمنتني والله احلويت كثير كثير
حبيباتي أمس قرأت إن الحليب مع التمر يقي الإنسان من هشاشة العظام والسرطان وفوائد الحليب مع الموز والمانجو ابحثوا في جوجل والله شيء رائع جدا.... عرفت بعدين كيف أعطاني هذا العصير القوة وفتح جسمي

نجرب ان مانفعت ماراح تضر ،،

موفقه يالغلا.

__________________
1-5-1433هـ
الحمد لله رزقت بأجمل بنوته ربي يخليه ويصلحه