اختي ميميانا ..

انت ما ذكرتي لا حجم التكيسات و لا عددها .. و لا اذا كانت في مبيض واحد او الاثنين..

و بالإضافه للسونار لازم تعملين تحليل لهرموناتك الـ Fsh و الـ Lh و ترابطهم .. و كمان هرمون الحليب و هرمون التستستيرون عشان تعرفين اذا كان اللي عندك متلازمة تكيس مبايض.. او مجرد تكيس من غير لخبطة هرمونات

لأن التكيس في المبيض مو مشكله بحد ذاته .. قد يكون التكيس ناتج عن نشاط زايد في المبيض.. و قد يكون العكس ، عشان كذا طمني قلبك و تأكدي انه ماراح يصيبك إلا اللي ربي كاتبه.

و تكيسات المبايض إلى الآن ما اكتشفوا سببها...


إذا تبين نصيحتي... احرصي ان اكلك يكون كله طبيعي.. و ابعدي عن المعلبات او الأكل المصنع،و اكل المطاعم

و كمان إذا كان عندك وزن زايد تخلصي منه.. و السكريات حاولي تبعدين عنها أو على الأقل خففيها

و إذا تعرفين احد كويس يعمل الحجامه بطريقة السنه النبويه.. اعمليها

و ان شاء الله ما يكون إلا خير