قصتي طويلة لكن بختصرها لكم و ياريت الردود تكون في صميم الموضوع وللوصول لحل يفيدني ويفيد غيري .. واشكركم مقدما

أنا كنت مبتعث واخر سنة من دراستي نزلت اجازة للسعودية وبالصدفة تعرفت على فتاة(طبعا بموقف حصل في أحد الدورات و أحرجتها واعتذرت لها) وبدينا نتكلم في الدورة لمدة ٥ أيام وكان الوضع بالنسبالي عادي لا أكثر لأني أنا من الناس الي رافض الحب نهائي ولا العلاقات معنو البنات قدامي بالهبل .. المهم رجعت لأمريكا و اتواصلنا انا والبنت بالصدفة على linkdin وسرنا نتكلم دايما .. وبعد كم شهر تزاعلنا وفصلت البنت عليا وقالتلي انت ماتحس نهائيا ولازم نبطل نكلم بعض ( وانا كنت حاس انها حبتني بس انا داخلي كنت رافض ) المهم زعلت وبطلت اكلمها معني كنت احس بشي اتجاهها ومكابر على نفسي .. واتفاجأت انها ساكنة قريب مننا وامها صحبت الوالدة ، وكلمتها وبدأت علاقتنا سنة ونويت اخطبها

مرت الأيام وكانت فيها مشاكل بسبب اختلافات بيني وبينها عن اشياء بسيطة زي الغطاء و الإهتمامات الشخصية طريقة التفكير .. ماتخرجت لأن بقيلي مادة و مددت ترم ونزلت السعودية اجازة صيفية كاملة .. قابلتها كم مرة في أماكن عامة وكانت مغرقتني هدايا ، ووقفت معايا بمبلغ كبير تقريبا ٣٠ الف ورجعت لها على طول بعد ماانفكت أزمتي ( الغريب اني اكتشفت انها فلوس جامعهتا يعني لو مارديتها بالوقت ماكانت قدرت تسجل في الجامعة وكبرت أكثر بعيني)

المهم بدأت تتكلم متى بتجي تخطبني يلا يلا يلا .. وقولتها والله ابغاكي بس اصبري اخلص الترم الي باقي .. المهم بعدها بشهر وباقيلي كم يوم على السفرة دقيت عليها وسوت مشكلة من غير سبب وحاولت افهم بس ماقالت طبعا المضاربة قوية جدا وحاولت ( استغربت من طريقة كلامها معايا ) وحاولت اخذ الأسباب طلعتلي اسباب تافهه جدا وبعدها بإسبوع ارسلت قالت جاني عريس ، قلتلها الله يوفقك

سافرت .. و مرت ٥ شهور علي وأنا نفسيتي تعبانة مصدوم لا عد سرت اقدر أذاكر ولا أروح نادي ولا آكل ولا حتى أقدر أضحك وسار عندي أالم بالجزء اليمين من جسمي ورحت للدكتور قالي ضغط عاطفي و لازم تشوفلك حل ولا ممكن تدخل باإكتئاب و أمراض وتوصل لجلطة

المهم تخرجت و معدلي نزل شوي ، ورجعت وقلت لازم اشوف حل وكلمتها سأالتها عن مكان وعادي ارسلتلي العنوان و كلمتني طبيعي رجعت كلمتها وطارت فيني واتخاصمنا المهم بعد خصام شهر رجعنا هههههههههه

ورب الكعبة الألم الي في جسمي كله راح و رجعت طبيعي .. طبعا قالتلي العريس ماوافقت عليه لأنه أستبخل بالمهر وكذا .. وأنا ندمانة وتكفى اتحملني ولا عاد تسيبني ..

جلسنا شهر وفكت موضوع الزواج ، وقتها أنا أدور على وظيفة قالتلي ماعليك اي شي رسمي بعدين دور براحتك .. قلتلها بكلم امي واحاول معها وكل يوم تسأال واقولها اصبري ، الين مافي لحظة سوت نفس الحركة الأولى وسوت مشكلة وغلطت علي شخصيا ذي المرة وقالت مابي اكمل ، ابي افهمها ماتبي ترد على مكالماتي ولا رسايلي طبعا مابلكتني ..

نجي لوضعي الآن ( أنا صراحها حبيتها و نيتي اني اتزوجها بس أوضاعي ماتسمح وقتها اني اتقدملها وفعلا كلمت الوالدة قالت يوم تتوظف بخطبلك، حاليا إنسى بس ) تشجعت وقلت للوالدة تعرفين فلانة قالت ايه قلت شفت بنتها بالصدفة وعجبتني قالت معصي لاهي زينا ولا تنفعلك وقالت انا كنت بخطبها لك بس يوم شفتها ماعجبتني، طبعا امي بدأت تحوس ولاحظت عليها .. طبعا لو ظغطت عليها اكثر عارف انها بتوافق بس بتكون متضايقة وانا مابي زواج يكون في حساسيات من البداية.. بس قلبي يحبها ولاني قادر

تشجعت وبدأت أفكر بعقلي و ادوس على قلبي .. في حاجات كانت مرددتني في البنت انا قبيلي وهي لا ، هيا ماتغطي ( حاولت معاها زمان وقالت طيب بعدين جات وقالت مااقدر مو متعودة ) تفكيرها ماركات وسفريات و مدري ايه ( وانا ابي وحدة مسؤولة تربي عيالي ) قلت ممكن ذي الاشياء تتعدل ولمن تتزوج تحس فيها بس برضوا كنت خايف ، الشي الي عجزت اتقبله انه في يوم قالت ابي اسوي تاتو حسبته اللصق طلع حقيقي في حواجبها واتخاصمت معاها اقولها حرام وعناد بعد الزعلة الأولى راحت سوته وحطت خط نحيف مو باين في رجلها هنا انا قفلت ابواب كثير في وجهي خفت على حياتي و عيالي لمن نتزوج .. بس اوقات يجيني التفكير اقول بتندم كالعادة وترجع تشيلة بس ماهي راضيه تركب .. طبعا هي مزاجية شوي و و شخصيتها طفلة معنو عمرها ٢٥ بس كل تفكيرها مانبي نسافر مانبي بيت كبير اهم شي تشتري ماركات وبس وتسوي جميعات عشان كذا !!

طبعا ضغطت على نفسي و قلت ذي ماتنفعلي زوجة و الحين بتقدم لوحدة ثانية بعد ماتوظفت الحمدلله بس الادمية ذي ماتروح من بالي وبعض الاحيان اخاف اظلم الي بتقدملها ولا اني اندم اني مااخذت الي احبها ؟؟