بسم الله الرحمن الرحيم
نقلت لكم طريقة اعداد شيكولاته سنكرز
المقادير :
باكيت ونصف بسكوت اولكر
بيضتين
ربع كوب حليب محلى نستله
ربع كوب سكر بني
50 جم زبده غير مملحه
فنجانين زبدة فول سوداني
300 جرام لوح شوكولاته
الطريقه
الطبقه الاولى
باكيت ونص بسكوت اولكر+ملعقتين بودرة كاكاو
زبده سايحه كميه تكفي لعمل عجينه من البسكوت المطحون ..
نطحن البسكوت ونخلطه مع الزبده السايحه+الكاكاو و نكون عجينه نقدر نمدها في قالب..
نحضر قالب ونمد عليه ورق شمع او ورق زبده حتي ماتلزق العجينه ونقدر نطلعها بسهوله ..
وهذي صورة ورق الشمع عشان تعرفونه
نمدها في قالب ..وندخلها الثلاجه ونحضر الطبقه الثانيه..
الطبقه الثانيه
نجيب وعاء ونحط السكر البني+الزبده ونخفق بالخفاق حتي يندمج السكر مع الزبده
وهذا بعد ما اندمج
وبعدها نضيف الحليب المحلى+زبدة الفول السوداني+البيض وملعقة فانيليا
نخفقهن جيدا حتي يختلط
ونصبه على الطبقه الاولى وندخلها الفرن 15 دقيقه او حتي يحمر الوجه
وهذي صورتها بعد ماطلعناها من الفرن
ونخليها تبرد تمااااااااما
والحين نحضر الطبقه الاخيره ..
كوب كريمه +300 غرام لوح شوكولاته مبشور او مقطع قطع صغير كالتالي
هذا نوع الكريمه اللي استخدمتها حلوه وممتااااااااااازه للحلويات ونباتيه بس لذيييذه
نسخن الكريمه علي النار و اول ما تسخن نضيف الشوكولاته ونخلط حتي تذوب ويكثف نطفي النار
ونخليها تبرد
وهذا بعد ماذابت الشوكولاته
ونخليها حتي تبرد شوي
ونصبها فوق الطبقه الثانيه كطبقه اخيره وندخلها الثلاجه عالاقل ساعتين او 3 لين تجمد طبقة الشوكولاته تماما حتي نستطيع ان نقطعها
وبعد ماتبرد تماما نطلعها من الثلاجه ونطلعها من القالب ..نمسك اطراف الورق الشمعي ونطلع الحلى ونحطه في صينيه كبيره عشان نقطعه
وهذا شكلها مابعد ماطلعتها من القالب
والحين نقطعها قطع متساويه او على حسب ذوقك
انا قطعتها مربعات وحاولت انها تكون متساويه
ماشاء الله و الحمدالله
وهنا بعد ماقطعتها حطيت كل قطعه في قالب ورقي وجاهزه للتقديم
وبعد التقطيع رجعنها في الثلاجه لمده 10 دقائق او 15 دقيقه قبل التقديم احلى بارده
واذا بقى منها شي عقب التقديم احقظنها في الثلاجه لانها بارده الذ ..
جربنها لانها صدق لذيييييييييييييييييذه وكل اللي ذاقوها حبوها جدا وطلبو زياده ماشاء الله طعمها سنكرز
جزاها الله كل خير صاحبة الوصفة
منقول ( بتصريف )
تحياتي