رد : حق الزوج
اكمل المشاركة
اقصد كيف ان هالزوجه بتعطي وتسعد زوجها وبالها مع اولادها لو تأخر احد اولادها عن البيت وزوجها مو مهتم في تربية اولاده ولا يعير لهم اي اهتمام وكل شئ فوق راس امهم والأب ماهمه الا راحته وسعادته وبس طيب الزوج يبغى حقوقه وهي بالها مشغول بولدها وتفكيرها مشتت كيف مثل هالزوجه بتسعد زوجها وبالها مشغول على ولدها وزوجها ماكلف نفسه يتصل ويسأل عنه ولو كلمته بهذا الخصوص يقول لها خليك منه هو رجال ماينخاف عليه ويطالبها بالنوم لو مثلا الزوج مهتم بتربية اولاده ورعايتهم مع زوجته هذا يستحق ان تعطيه زوجته كل وقتها وتبذل جهدها لإسعاده وراحته اما انه تارك على راسها التربية والبيت ويطالبها بسعادته وحقوقه والله هاذي عيشة لا تطاق لو سمعت كلامه ونفذته بتضيع ابنائها ولو راحت لأبنائها واهملت زوجها كمان الزوج هنا بيضيع بالذات لو كان وازعه الديني ضعيف وينجر للمغريات بسهوله هنا لابد ان يكون فيه حل وسط طبعا الأطفال يحتاجون امهم في معظم اوقاتها تكون معاهم ترعاهم وتهتم فيهم ويحتاجون لتوجيهاتها وعنايتها اكثر عكس الزوج لو خصصت الزوجه لزوجها وقت خاص فيه ولو كان في وقت اجازة الأسبوع بيكون افضل وتبذل كل مابوسعها لسعادته وإرضائه حتى الزوج هنا مايتسرب الملل اليه ويبقى هالوقت واللقاء هذا محفز لعواطفهم ويرفع المعنويات عند الطرفين ويكون في اشباع لرغبات من الكل ويتجدد الحب والحنان في مابينهم في هذا اللقاء ويعطي دافع لطرفين انه كل واحدفيهم يبذل مايستطيع بذله لإرضاء الطرف الآخر وفي نفس الوقت يكون دافع اكبر انه الزوجه تكون حريصة ومهتمه بمثل هالوقت وتكون على اتم استعداد جسديا ونفسيا لمثل هالوقت المخصص لزوجها فتهئ نفسها جيدا وتترك كل شئ جانبا وتنسى كل شئ يقلقها ويعكر مزاجها وتحاول تسعد زوجها على قد ماتقدر
على طاري الخدم يا اختي هناك زوجات ماعندهم خدم لأسباب تخصهم او لعدم قدرتهم على تكاليفها
فتجدينها تحاول قدرالمستطاع المحافظة على بيتها وزوجها وتربية اطفالها لأن اي تقصير في اي واجب او حق من هالحقوق راح يخل بكل الأشياء الثانية فالموازنه هنا مطلوبة صعب اكسب زوجي ومحبته واخسر ابنائي الذين هم قطعه مني ويحتاجون لي وكمان صعب اخسر ابوهم اللي لولا وجوده بعد قدرة الله ماكانوا هما موجودين معاي عندي بنت طفله عمرها لم يكمل الخامسة لما تشوفني جالسة عند ابوها تغار وتأتي الى حضني وتجلس معانا في النص وتقول لأبوها ماما لي انا ماهي لك روح دور لك على ام غيرها هاذا احساس طفله وهي صغيره لو تركتها واهملتها هي واخوانها وبدل ما احتويها واغدق عليها عاطفتي اللي هي بحاجتها في طفولتها وفي مراهقتها كيف بيكون شعورها واحساسها هي واخوانها لو اهملتهم واحتويت ابوهم وتركتهم كيف بتكون نفسيتهم وشعورهم وهم يشوفون اني مخليه كل اهتمامي ورعايتي لأبوهم على فكرة ترى الأبناء يغارون من ابائهم الأبناء هم الثمرة لتلك الحياة الزوجية وهم امانه في اعناقنا انا وابوهم الله سبحانه وتعالى رزقنا بهم علشان نحسن اليهم ونحسن تربيتهم ومعاملتهم هاذي مهمة عظيمة تربية الأبناء على الأم والأب ويمكن انها على الأم اشد من الأب بحكم قربها وتواجدها الدائم بين ابنائها
لا انكر ان هناك بعض الزوجات مقصرات بحقوق ازواجهم ولا تعرف مساحيق الجمال واللبس والإهتمام بنفسها الا وقت الزيارات والمناسبات بالرغم من توافر الإمكانات لديها تجدها مهمله وغير مباليه وغير مهتمه بحاجة زوجها ورغبته وسعادته مثل هائولاء الزوجات الله يصلحهم ويكون بعون ازواجهم وعليهم نصحهم والجلوس معاهم والتفاهم على مثل هالأمور
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله