يا أختي تعوذي من إبليس
إنت إن شاء الله مؤمنة فلا تفكري في معصية الخالق بسبب تقصير زوجك... تراه ما يستاهل تحملي ذنوب بسببه

طبعا الفراغ العاطفي له دور كبير و القسوة و الجلافة في الفعل ممكن تكرّه أي زوجة في زوجها

زوجك يبدو لي عاش في بيئة تحتقر المرأة و تعتبرها خلقت فقط لإسعاد الرجل، و إنت للأسف كمان عودتيه على الطاعة العمياء و الدلع و الكسل

فكرة الكتب جيدة بس أشك أن زوجك راح يقرأها !!

طيب إنت ليه ما تعامليه بالمثل في بعض الأحيان ... يعني مثلا لو كان قريب من الثلاجة ليه ما تطلبي منه كاسة مويه
طبعا راح يقول لك جيبيها بنفسك و إنت ما عندك يدين؟ ردي عليه قولي ليه طيب ليه أنا أجيب لك و ما أرفض لك طلب؟!
و بعدين ممكن تستشهدي بما مذكور في هذي الكتب إن المرأة ليس من واجباتها الأعمال المنزلية، و إن الزوج لازم يحسن معاملة أهل بيته سواء الزوجة أو الأولاد... حرام ليه كله يضرب عيالك و يتريق عليهم.

و كمان مسألة إن كسول حتى في العلاقة لازم تكلميه فيها ... العلاقة ما هي فعل جسدي فقط... الحالة النفسية و الروحية كمان مهمة ... العملية الجنسية ليست فقط للمتعة بل لتعميق الروابط بين الزوجين و زيادة المودة

أنا ما أعرف كيف راح تستمري مع هالرجال بس اللي يهمني إنك تربي عيالك على إحترام المرأة ، خاصة إن للأسف عندهم قدورة سيئة للغاية اللي هو أبوهم.
علميهم أن يرفقوا بالقوارير و أن يكرموا المرأة و أن يعتبروها شريك لا جارية
علميهم الرحمة و الشفقة و الحنان لأن رجالنا في الخليج قساة قلوب إلا ما رحم ربي.
إحنا دايما نهتم بإعداد بناتنا للحياة الزوجية و للأسف ننسى الأولاد و كأنهم راح يعرفوا كيف يتحملون المسؤولية و يعاملون زوجتهم المستقبلية من غير توجيه مننا.

الله يوفقك يا أختي و طمنينا عليك

__________________
الدنيا يمكن تكون حلوة ... بس يا ريتيني أقدر أفهمها !!!