منتدى عالم الأسرة والمجتمع - عرض مشاركة واحدة - حياتي ستنهار/المستشارة أم عبيد
عرض مشاركة واحدة
قديم 24-12-2016, 07:50 PM
  #1
كيان بنت فهد
عضو جديد
تاريخ التسجيل: Dec 2016
المشاركات: 1
كيان بنت فهد غير متصل  
حياتي ستنهار/المستشارة أم عبيد

السلام عليكم
هذي اول مشاركه لي هنا ، انا متزوجه صارلي سنه وشهرين وحامل حاليا
بدت مشاكلي مع زوجي بعد زواجنا بشهر تقريبا بسبب اهله
وبصراحه اللي سبب النفور والمشاكل بيننا هو زوجي
لانه مايعدل حبه لاهله معميه ما اقول اني ابي ابعده عنهم
او اخليه يكرههم لا ابدا ! انا مو سيئه للدرجه هذي
بس كلنا عندنا اهل ونحبهم ونفديهم بارواحنا بس
مو لدرجه انو يوعدني بشي ويكنسل عشان اخته تبي السوق !!
انا زوجه ولي حقوق وعليه واجبات وانا صايره عصبيه من الصدمات اللي تجيني من كل مكان
واعترف اني ما امسك اعصابي ابدا ولساني طويل بس بعد كل هذا اندم وقبل يومين صارت مشكله كبيره وصلت لابوي واهله وضربني عشان شفت خويه اخوه تراسله ماقدرت اسكت وقام يهددني بالطلاق وانه ياخذ ولدي وطبعا قلت مابيه يتربى تربيه ابوه وعمامه " هم عائلة سمعتهم مو كويسه يعني مخدرات وبنات وكذا وللمعلوميه اخوه مسجون بقضيه مخدرات" وبعدها ضربني لاني تكلمت بس والله من القهر وراح قال عني كلام عند اهله ويشهد علي ربي ما قلته وبكرا رايحه اتفاهم مع امه وهددني لو اقل ادبي معاها راح يضربني قدام اهله كلهم ولا كاني حامل المهم ان امي كلمت امه وماعطتها مجال وسكرت بوجهه امي وترا زوجي من النوع اللي يحلف بالكذب ويكذب عااادي جدا وكمان مو محافظ على الصلاه وانا راح اخذ القران معاي عشان احلف اني ماقلت هالكلام بس مدري اذا راح تصدقني او تستفزني وانفجر ويضربني زوجي ماني عارفه وش اسوي ابوي واخواني كلهم ضدي ابوي وامي منفصلين لهم اكثر من 20 سنه ويكرهني جدا ما اعرف ايش السبب ومع زوجي ضدي ويقول خليه يطلع مع بنات ويكلم وش عليك منه بالله هالكلام يرضي الله وخلقه ؟ انا تعبت من المشاكل وتعبت اكثر لما زوجي قال اني مليت منك وماعاد احبك طفشت ابي اطلقك مدري هالكلام من قلبه ولا بلحظه غضب قالها وترا صارت مواقف كثير على حبه لاهله وكرهه وقله اهتمامه فيني ومره قال اهلي اولا وانتي ثانيا وهذا غير اخته اللي تحبه وتلاحقه وملابسها الفاضحه .. معليش اذا طولت بالكلام او كلامي مو مرتب والله ماني عارفه وش اقول ووش اخلي الله يهديني ويسخرلي زوجي ويهديه
رد مع اقتباس