صباح النشاط والارادة الحلوة
برااافو عليك وفا ومش المهم الناس تشوفك وتقلك نحفانة
المهم انت تشوفي حالك غير التنحيف كسبانة فوائد المشي
وكل ما تحطي صورة كل ما بنجذب لطبيعة الجزائر ماشاءالله الله يباركلكن فيها
وبالنسبة للثياب من فترة اكثر من شهر تقريبا اشتريت قميص طويل للبنان واجمالا بجيب نمرة اكبر ليكون ساتر وكنت مقيسته وكان تمام
الاربعاء وقت لبسته حسيت انو المفرض جيب بعد اصغر لانو حسيت انو مبين انو اكبر من مقاسي بشكل واضح
وخاتمي لفيت عليه تلزيق
ليصير على مقاس اصبعي بهاليومين بصوره
وأكلي الحمدلله متل ما خبرتكن طبيعي وكل شي مع تخفيف بعض الاشياء
والمشي مستمرة عليه ومرات بتحكمني الظروف عم يمر يومين ما بمشي
بس ما بعمل منها قصة بالعكس تاركة الأمور متل ما هيي
وساعة اللي بيصحلي مرة باليوم او يومين بمشي وبعمل رياضة وبس يكون ما في وقت عادي لانو النفسية بتلعب دور بالجسم
وخاصة اذا وصل الواحد لمرحلة الهوس او اليأس من انو يعدل جسمه فرح يعطي ردة فعل عكسية
ويوميا عم اشرب عصير جريب فروت الصبح وبعد الضهر غير انو بيساعد عالحرق الو فوائد كتير كتير وخاصة اللي ما بياخد أدوية باستمرار لانو بيأثر شربه مع تناول بعض الادوية
وحتى للتحلاية بين فترة وفترة بعمل حلو دسم بس على فترات متباعدة
بس اكتر شي عم ركز على سلطة الفواكه مع العسل وقشطة طازة قليلة الدسم
والاولاد صار عندهن ادمان عليها وتقريبا الاسبوع الماضي بشكل يومي عملتها
الصحة اكبر نعمة من عند رب العالمين وانو ننتبه شوي على نوعية وكمية اكلنا مع شوية تمارين رياضية هالشي بحسه واجب لنحافظ قد ما فينا على النعمة اللي ربنا انعمها علينا
الحمدلله من قبل ومن بعد