المشاركة الأصلية كتبت بواسطة mimomea

ايه حبي وفا هو ذاته الpamplemousse انا بجيب فريش وبعصر
ومرات بجيب منو عصير جاهز بس طبيعي مية بالمية ومكتوب عليهvegan يعني مش داخله اي شي حيواني
لانو هون اغلب العصير مكتوب مية بالمية طبيعي بس بيكونوا مفلترينه وحاطين فيه كمية بسيطة جيلاتين الخنزير ليعطيه صفاء
وخاصة التفاح والعنب
كرمال هيك صاروا يكتبوا كلمة vegan لتعرف العالم انو ما فيهن اي شي حيواني
بس الحمدلله انو لقيت عصير عنب vegan لاني اكتر نوع عصير بحبه
وهيدي مشكلة كبيرة هون دايما بعصر العصير على ايدي
والعنب شوي مكلف اذا بدي اعمل كمية ليتر
بس وقت لقيت الvegan صرت يومية بشرب عصير عنب من بعد ما صرلي تلات سنين موقفة اشتري من السوبر ماركت من بعد ما عرف شو بحطوله
غير شربي لعصير الجريب فروت يعني باليوم بشرب كبايتين جريب فروت وكباية عصير عنب

واليوم مشيت ساعتين مع تمارين بوش آب وللخصر عالآلات ٢٠ دقيقة
واليوم جارتي قالتلي خلص هيك منيح قلتلها بعرف بس كرمال سفرة لبنان خليني نزل بعد ٢ كيلو احتياط

وبعدين بثبت وزني مع انو زوجي قلي انسي كل شي بلبنان واستمتعي بكل شي بتحبيه وبس ترجعي عودي اعملي رياضة
بس الحمدلله اختي الصغيرة مشتركة بنادي قالتلي بتصيري تجي معي ساعة تلات مرات بالاسبوع لسليها
واذا الله راد اليوم الأحد من الصبح رايحة امشي ساعتين وبرجع العصر نص ساعة عالآلات