والدي و المندي وأنا ( صح كل الرجال كذا )) ؟؟
ابويا قالي انو انا ( فاشلة في الطبخ ) ؟؟؟؟
زمان كنت بطبخ وحلى وحركات بعدين مليت ( لانهم ما يقدرون مجهودي وتعبي
)
ثلاث سنوات من ايام الجامعة وانا اطبخ للبيت كله بدون أي تقدير او ( كلمة حلوة ) ( جبر خواطر )
جلست سنتين بعد كذا بطلت فيها الطبخ نهائي
المهم امس ابويا ( قال اتحداك تطبخين الغداء بكرة ويكون طبخ على أصول (
) مو كلام فاضي لأنك نسيتي الطبخ أصلا ..
المهم
من بعد الفجر جلست اقرأ في النت عن ( الرز المندي ) جمعت قوتي
وقررت اطبخ لهم مندي
الساعة 11 بدأت بالطبخ و,,,,,,,,,,,,,,,,,,,,,,,,, الخ
احم احم جاء وقت الغداء
( يارب تسترها معايا ما احب احد يتحداني ويفوز علي
)
في البداية خليت الشغالة تاكل وجربت فيها ( قالت ماما مرة حلو ) ( قلت لها ( بأعطيك 10 ريال شاطرة انت)
بعدين
حطيت الغداء وامي وابويا معايا جلسنا ناكل ( امي وابويا
ساكتين بدون اي تعابير
ولا تعليقات
ولا أي كلمة
انا هديت اعصابي
وقلت ( لو مو طععم ما كان اكلوا )
المهم بعد ما خلصوا بالعافية اضطريت أسالهم
كيف الاكل ؟
قالوا : ( الحمد لله ) وبس
أبغى أفهم ليش ابويا يسبب لي إحباط ؟
ما يمدحني ( حتى لو بالواسطة ) ؟
لو اجيب القمر وأعطيه يقول ( عادي )
الكلمة الطيبة صدقة يعني
صح كل الرجل ما يمدحون / ما يقدرون / ما يشكرون ............
؟ امي تقول كل الرجال كدا ؟ صح ؟؟