رد : زوجة معدد؟ ...... تفضلي
اقتباس:
المشاركة الأصلية كتبت بواسطة موهبة الكويت
اخ يا مهرة اخ
والله لو ادري ان زوجي بيعشق زوجته لي هالدرجة ما وافقت عليه وخليتهم يسطفلون مع بعض
اللي ابيه اني اكون كاي انثى احس بحبه احس اني مرغوبة تخيلي كذا مرة يكرر علي متزوجج عشان امي
صراحة وواقعا ابيه مثل ما كان طليقي يحبني
وابيه يوقف معاي بالازمات
كل الازمات اللي مرت علي وانا عنده وقف ضدي
لما كنت بالنفاس كل يوم والثاني خننفصل عشان يرضي زوجته
ولما بنتي دخلت المستشفى نفس الشي يخليني اروح المستشفى بروحي وهى قاعد عند بناته وبالاخير لما قالي للطبيب لازم تترقد قالي انا ما اتحمل واذا تبين ننفصل يكون احسن ما ادري اذا بننفصل بيتبرا من بنته والا شنو
ابيه رجل معاي مو ضدي
دايما يحسسني اني ثقيلة عليه مع اني شايلة البيت بروحي
اخ يا مهرة خليها عالله
وهالايام مايتغدا عندي ابدا بس ايي بالليل
يعني كاني متزوجة مسيار
طبعا امه لها دور كبير في بعده عنا
غير انهم اهم اللي طلعوني من بيتهم لان البنات يغارون من اختهم بسبب ان امها عندها وهم لا
وايد انظلمت وايد انقهرت
وقاعدة اجاهد اجاهد للمحافظة على بيتي
ودي ان يعدل وودي ان يقدر مشاعري اللي دايس عليها
وان يعاملني بلين وبرفق
وبعد الصراحك ودي ان يدرك اهو شلون اذاني وظلمني
هو قلبه طيب بس لسانه واسلوبه سيئين جدا
وودي ان الله ينصرني على مرته وعلى امه لان مالي ذنب بالحرب اللي بينهم غير انه تقدم لي ووافقت عليه
صحيح ان فيه تطورات كبيرة ولله الحمد في علاقتي معاه
بس بالمقابل في نواقص وتقصير كبير
الله المستعان
واتمنى ان الله يرزقني الدهاء والذكاء الانثوي عشان اعرف امشي حياتي
هو يقول ان قاعد بعدل بس انا ما اشوف هالشي
الله المستعان
واذا عندي بقية كلام ماراح اتاخر بالفضفضة بارك الله فيج اختي مهرة
|
موهبة حبيبتي .. دائماً تحيرني قصتكِ ووضعكِ!
ورغم أنكِ استفضتِ كثيراً في وقت سابق إلا أنني حتى الآن لم أفهم هذا العشق الذي تتحدثين عنه .. ولا أفهم كيف لمحبة أن تفضّل البقاء بعيداً عن محبوبها!
ما أستطيع أن أقوله: لا تفكري في الأمر باعتباره حرب بينكِ وبين أي أحد .. فوالله هو أمر مزعج ويضعكِ تحت مزيداً من الضغط .. وتأكدي أن الله مطلّع وعالم وقادر وحده على أن يرد لكِ حقكِ إن كان لكِ حق.
وإن قال لكِ زوجك (تزوجتج عشان خاطر امي) مرة أخرى .. قولي له ببساطة واعتزاز: شفت اللي يسمع كلام امه كيف يطلع حظه حلو؟
__________________
اللهم طِيبَ الأثر .. وحُسْنَ الرحيل.