مشكلة زوجتك في تربيتها
عندنا المراه لازم تكون سنعه وتتعلم الاحترام وما ترد على احد ولازم تقدر زوجها وتحترمه وتضحي عشانه
يعنى بمعنى ثاني تنسى نفسها وتعيش من اجل زوجها
انا حاسة بزوجتك لاني تلقيت نفس التربية وانصدمت بعد الزواج...والى الان ما افقت من الصدمة بس محلولة ان شاء
زوجتك انسانه رائعه بقي بس تتثقف اللي نصحك بناعمة الهاشمي والدكتوره نورة يبي لك الخير
ولا تقول مستحيل احبها مرت علي حالات الزوج ما يطيق زوجته وبعد ما تثقفت وتفتحت عيونها صار زوجها يموت فيها ويصرف عليها بهبل بعد ما كان ابخل منه ما فيه...هذا بعد 13 سنه زواج كيف وانت مالك الا 5 سنوات
اقول لك ليش انا حاسه بزوجتك لاني احيانا ابغى اخرج عن تربيتي ولما القى لو شويه صد من زوجي اتراجع
مو سهل علي اني اغير تربيتي بين يوم وليلة مع اني احيانا كثيرا اتمنى اسوي اشياءما تخطر له على بال
ولكن اقول وش الفايده اذا مو فارقه معاه...وهو دائما يقول لي اسوي الشئ عشانك...اقول اذا ماتبيه لا تسويه
والا يقول لي انا اصلا مو عايش معاك..طيب ليش انا اتعب حالي
زوجتك حاسه باحساسك وان مهما سوت ما راح تفرق معاك لانك في نظرك مستحيل تحبها
زوجتك محتاجه شويه ثقه في النفس تستمدها من نفسها مو منك
محتاجه تتعلم استراتيجيات الحياة الزوجيه غير الطبخ والنفخ وغير التضحية الزايدة عن حدها اللي ما تعلمنا غيرها في بيوت اهالينا
يعني المسالة مجرد جهل لا غير
تخيل معي ان زوجتك اصبحت بالاضافة الى صفاتها الرائعة اللي انت ذكرتها كما تتمنى
صدقني المسالة ماهي صعبة ولا مستحيله
اتمنى انك تفكر ايضا في وجهه نظر زوجتك لك...يمكن هي تتمنى منك اشياء لو حصلت لها ممكن تاثر فيها وتتغير...انت تقول كتومه يكمن في اشياء مضايقتها وما تقدر تتكلم
يعني المساله مشتركة وما نحمل زوجتك كل اللوم وخاصة انها طرف غائب ولا نعلم ماذا يدور في راسها
اصلح الله لك زوجك واصلحك لها واصلح لكما بنتيكما ورزقكما برهما