رد: حاولت الإنتحار بسبب والدة
صار كل شي صعب علي ..
حتى الكتابة اللي اعتبرتها آخر طوق نجاة لي صارت صعبة .. !
( أتذكر بس إن زوجي طلبني أكثر من مرة أوعده ما أتكلم عن اللي واجهته من أمه ولا مع أي مخلوق بالدنيا .. إحساسي إني أخون وعدي معاه يمزقني .. وفيني خوف من إنه يدري .. و فيني احساس بالإختناق من حجم الممنوعات في هالعلاقة علي )
ما عاد عندي بعد الله الا دموعي ..
صرت في أبسط التفاصيل اللي تفرحني اتذكرها .. أتذكر انها عورتني .. يتغير وجهي فجأة ب عز فرحي
انا شفيني !! المفروض هالشي يفرحني و يسعدني .. بس ارجع اتذكر انها جرحتني فيه بالذات
ما تركت شي ما آذتني فيه
ما تركت شي أحبه و أفتخر فيه و يمسني الا و عورتني فيه
بناتي .. شكلي .. أصلي .. لهجتي .. حجابي .. دراستي و تعليمي
كل شي كل شي
وانا بالمقابل كانت ردة فعلي السكوت ..
ما كنت خايفة من شي .. لكن كنت عارفة لو سويت اي رد فعل لو بسيط ب اخسر زواجي كله
لأن اللي قدامي شخص مش سهل
وما ابغى بناتي يعيشون بدون ابوهم
تحملت تحملت عشان بناتي
ما توقعت تكون النتيجة ( الخارجية مثالية لهالدرجة )
استغرقت وقت والله طويل عشان اكتشف زوجي نقطة ضعفه و مفتاحه بهالدنيا شي واحد بس
هو امه
و لما شاف اذاها لي و شاف اني ما سويت معاها اي رد فعل
اختفت كل مشاكلي معاه
كككككككل المشاكل اللي كنت اشتكي منها فيه هنا بالمنتدى و قبل سنة و قبل سنتين
كلها راحت راحت كأني تزوجت شخص ثاني
لكني ماني سعيدة
آحس اني رمااد
كم مرة اطلب زوجي نروح عند مستشارين اسريين عشان موضوع امه
يسالني ليش ؟ اقول له بس عشان تحس و تقتنع باللي انا مريت فيه و عشته
يقول لي خلي نيتك طيبة المفروض نروح مو عشاني
المفروض نروح عشان نلقى حل لأمي وعلاقتك فيها ..
أعرف ان الصورة النمطية يمكن تحكم أي شخص يقرا كلامي
و هالشي يجرحني أكثر
خاصة بعد ما عرفت ان فيه متابعين قرأوا اللي كتبته
يمكن يتوقعون ام زوج شرسة عادية ( المستوى العادي المتعارف عليه اللي اذاها فقط رمي كلام )
ماعرف من وين ابدا و ايش اتكلم
أحس ب ألم فظيع بداخلي
الكل كان يقول لي مشكلتك بس انها عندك
اذا راحت من بيتك بتنحل كل مشاكلك لانها بتصير بعيدة .. كبري عقلك .. الخ
لكن اللي سوته فيني ترك فيني آثار عمممميييقة
لأنها مستني في أبعد نقاط شخصيتي
تقديري لذاتي .. ثقتي بنفسي .. نظرتي للدنيا كلها اهتزت
احس اني صرت اضعف مثل ورقة !
صار أي شخص يبكي بغض النظر عن ألمه او عن مشاكله
يمسني و يلامسني
أي شخص انجرح يستفز دمعتي
اي شخص انظلم او اتألم احس فيه مني و فيني منه
نفسي ارفع السماعة افضفض لأختي اقرب الناس لي عن اللي صار لي .. بدون ما احس بالخيانة و اني غدرت ب زوجي بعد ما وعدته و ضغط علي
نفسي احضن خالتي او امي بس ابكي لهم
انا وحيدة
احس بالوحدة
أحس كأني مسجونة في بير ما له قرار ظلام في ظلام
صحيح انا كسبت زوجي حاليا
لكنه الله يسامحه الله يسامحه ساهم في هدمي
هدمني ضيعني
الكلام حتى مجرد الكلام لو لغريب بيريحني
لكن حتى هالخيار أحس بالتردد و الخوف منه
آذتني في زوجي و خاضت معاي حرب ضروس كأنها ضرتي
وما اهتميت ابدا و تنازلت لها عنه و لا حتى اظهرت لها ألمي و حاولت اعيش حياتي ولا كأني اشوف
لكن هل هدأت ..
هل قدرت .. هل استكنت
لا والله
حاربتني في بناتي
حاربتني في دراستي في كل شي حلو بحياتي
حتى سمعتي و عرضي خاضت فيهم
زوجي حتى الدعاء طلبني ما ادعي عليها
صرت اخاف ..
صرت ارفع يدي ابغى اكلم ربي
اخاف يدخل علي الغرفة فجأة يلقاني اذكر امه بيني وبين ربي و اشكي و يزعل
بداخلي بس أمنييييييية أتمنى أكون سبب في خسرانها لآخرتها
أنا أبغى النصر العظيم الأخروي من رب العالمين