هلا فيلكا سلامتك حبيبتي
تكلمت بموضوع العباده لان ادري كثيرين بيقولون كذا فقلت اسبق ، يعني طبيعي الشخص عارف ربه وعارف هالامور ، وفعلا للاسف الشخص احيانا يحتاج جهاد للعباده واذا نفسيته صعبه يحتاج جهاد اكثر
وفعلا انا بوقت الدوره
تدرون عمري ماربطت بين هالوقت من الشهر والنفسيه السيئة لاني اشوف ان هالامور دلع
لكن من بدت تطلع معاي التعب وابنزيف وقت الدوره والهبوط صرت مو طايقه نفسي
والامور الي قلتو ان ممكن تراكمات اشياء
الدوره تذكرني بالتعب الي فيني والاورام .... وكل شهر اقرر لازم اسوي العمليه وارتاح من هالتعب والالم مو الطبيعي ...وفكره العمليه بس تتعب نفسيتي لان حتى اهلي مايدرون
ودي لو كنت بالغربه بدون دراما ولا احد واسوي العمليه بسكات
مجرد مفاتحه اهلك بمرضك هذا بحد ذاته صعب ...
ههههه جدا مختلفه انا عنك انا ماانفس على الناس وقت ضيقتي
الي اسويه ادق على ناس من زمان ماكلمتهم واسولف معاهم عادي
وهذا شي بحد ذاته ورطه
ياانك تفتحين علاقات كنتي مجمدتها او ترتبطين
مثلا امس كلمت وحده واتفقنا نطلع اليوم
وحزري فزري ...مالي خلق ابدا اطلع اليوم لاني رجعت لمودي الطبيعي واصلا عندي الترامات وصعبه الحين اصرفها
فهذي من الاشياء الي مااحبها بنفسي ...وقت مااتضايق الجا للناس وان كنت لا افضفض لهم بالعكس اضحك واسولف
انا خايفه فعلا من موضوع الاكتئاب ...لاني جربته ولا ابي ارجع لهالوصع
ومن ساعتها وانا ادلع نفسي ولا احبها تزعل او تتضايق عشان ماترجع لنقطه الصفر
بصراحه من الاشياء الي جربتها ونفعت
ولا تعبروها رياء بس نصيحه يمكن تنفعهم
اذا كنت مكتومه وضايق صدري وحاسه الدنيا كلها مو طايقتني ولا انا طايقتها
اسوي خير ...اتصدق اتبرع اساعد شخص غريب مااعرفه
ساعتها احس اني لي قيمه واني انسان
افكر مستقبلا احتضن حيوان اليف الاغلب قطه يمكن تعطي مشاعر ايجابيه