السلام عليكم ,,,

" بحاول اختصر الموضوع
عمري ٢٦ --- زوجي عمره ٣١
ماعندي اطفال .. زواجي صار له سنتين
انا متعلمه ولله الحمد
وزوجي موضف وعنده شهاده جامعيه بس للاسف مو مثقف ابدا وبدوي
انا عصبيه وشخصيه قلقه وتفكيري كثير واشيل هم اتفه الامور ، معي اضطرابات نوم واتعب كثير اذا مريت ف مشكله
زوجي عكسي تماما، بارد جدا. طويل بال
شخصيته تميل لضعف شوي.. لامبالي ،وماعنده ثقه في نفسه

اول ماتزوجته بليله الدخله اكتشف انه غير قادر واحسه انصدم من نفسه
وكان يهجرني بالفراش اتوقع خوف من مواجهه حالته
بعد شهور من زواجنا سوينا تحاليل
حصل عنده ضعف جنسي وضعف انتصاب وامور خاصه بالحيوان المنوي
ساندته وحاولت اوقف معه .. بس بعد ايام اكتشفت يطالع بجواله مقاطع اباحيه شذوذ بين رجل ورجل
انا والله انهرت وبكيت وواجهته وخجل من نفسه .ومريت شهور ورجعت فتحت جواله حصلته يتابع مقاطع بعد شذوذ😓

اخذت اغراضي ورحت بيت اهلي وجلست عندهم فتره مااكلمه وصار يدق ويرسل وبعدها تراضينا .ورجعت معه
وجلس فتره تمام ماعد طالع هالمقاطع .. علما انا اثق ثقه تامه انه مايفعلها بس يشاهدها
للاسف جلسنا فتره ورجع يطالع وطنشته هالمره
طبعا عنده حلال من غنم وابل وكان يحب يروح لها يوميا وكنت اقوله اجلس معي. رتب وقتك انا ابيك معي
بس كان يطنش ويطلع ويتركني
بعدها خلاص تعبت من سالفه الحلال وخبرت اخته الكبيره وبس تصبرني وماسوت شي

بعدها اشتكيت لحرمه اخوه الكبير عشان تخبر زوجها يتكلم مع زوجي وفعلا كلمه
وتعدل زوجي من كثر طلعاته للحلال

مرت الايام وصارت علاقتنا الجنسيه احسن من اول والحمدالله بس مااعطيها ١٠٠٪‏
لكن للاسف رجع لمشاهده المقاطع
وفتحت قوقل عنده مره حصلته باحث عن زواج المسيار
جن جنوني هنا وتهاوشت معه
وخبرت وحده من خواته انه يدور زواج مسيار وانه بس عند الحلال وانه يطالع مقاطع اباحيه وماخبرتهم انها شذوذ
عشان تخبر امه

وياليتني مااشتكيت لهم هالمره
لان خربت علاقتنا وقطعنا بعض وقلبو السالفه علي
لانه تكلم عندهم
واكيد ولدهم وقفو معه
ووصلت حياتي انا وهو للطلاق بس تمسكت ف بيتي
مع انه طلب مني اروح للاهلي
قال انا ضلمتك كثير مثل ماقلتي وخلاص حنا مانصلح لبعض
بس انا ماطلعت وسكت ومشيت حياتي
بس بقلبي مجروحه منه ومن اهله
ومشت الايام وخلاص ماعد رحت لااهله
وعلاقتي معه شوي شوي لاباس بها
بس احسه صار اذا طلع يطنشني بساعات اكثر من اول
واهملني اكثر من اول
واحسه يفكر كثيرررررر

وانا لسى مجروحه بجواه قلبي من الي صار
طلبته يصحح الغلط الي صار مع اهله وترجع الماء لمجاريها
لكن رفض
المهم
فتحت جواله هذي الفتره حصلته يشاهد مقاطع زي اول
وسكت يومين
بعدها كان عندي موعد بمستشفى رفض يوديني مثل ماقال مامعه فلوس كثير قلت دبر فلوس
قال دبريها انتي

بعدها انقهرت من اسلوبه وسويت له حضر
وفكيت الحضر وماعد ارسل ولادق ابدا
وانا موجوده ف بيت اهلي
طبعا اهلي يسألون وين زوجك
اقول مسافررر
وماحد يدري
فقط"

و ماني عارفة كيف أتصرف ...