السلام عليكم ورحمة الله
اخواني واخواتي اعضاء المنتدى
اعتذر عن تأخري في طرح مستجدات موضوعي
ولكن لظروف الله يعين بس
اليكم المستجدات في موضوعي
انا اخر مرة قلت اني حطلب منه انه يطلع رقم جديد
وافق مبدئيا....... وتاني يوم قالي انه الاتصالات ماعاد تجيه كثيرة زي اول
وحاول انه يقنعني بعدم ضرورة الشي دا
ووعدني انه يقلي على اي شي يحصل وانه يعطيني اي رقم يجيه بعد كده
بس اخر مرة اتصلت عليه وحده تقول انها من زميلاتي في العمل وقالتله موضوع بجد محد يعرفه
اتفاجأت
بس انكرت وقلتله كذااااااابه
وكمان مااعرف كيف اتواصل مع واحد من الي كانو مضافين عندي
وقالي مااتصل ولا ارسل
بس دي قصة طويله
المهم
قلتله وبعدين مع دي القصه الي ماراح نخلص منها
انا جلست ابكييييييييييييييييييي
لاني تعبت
وقلتله لو قلتلك ببعد عنك؟؟؟ عادي
صح؟؟ قال لا ليه تبغي تبعدي انا مقصر؟؟؟
المهم يومها عدى الموضوع على خير انه خلاص وماهمه احد ولا راح يستقبل اي شي وانه يطننننش
ومعاملته معايا رووووعه
حنان واحترام ماتتخيلو كيف
بس من جد مو معقوله هذا كله يمثل او انه يضغط على اعصابه
اليوم
وقت انتهاء دوامي كنت اتكلم في الجوال مع وحده من زميلاتي
وهو اتصل وجا انتظار
3 مكالمات رنه رنه رنه في خلال خمسه ثواني
قفلت ورديت عليه ..... حلو
كلمني
وسالني
ليه جوالك مشغووول من اول......؟؟
قلتتله حبيبي مو مشغول كنت اتكلم
انتظار
قالي لا مشغووول ويحلف ويحلف انه حصل الخط مشغول مو انتظار وانها مو اول مرة
قلتله لو مشغول كيف بتجيني رنات منك تلاته مكالمات اشبك
اهدا
المهم قالي يالله مع السلامه وقفل وهو زعلان
ولا هو في العادة مايقفل الين مايطمن انه اهلي جوني عشان ارجع البيت
ولا حتى سألني مين حيرجعك اليوم
ولا شي
والمكالمه الي قبلها كنا سمن على عسل
الفترة الي راااحت سمن على عسل
شكليي حسدت نفسي
المهم رجعت البيت وصادف اهلي اتاخرو عليا
ومشيت بعد مكالمته بنص ساعه وزياده
وانا بركب السيارة دقيت قلتله اهو اخويه جاني وتوني برجع البيت
قالي اش تبغي
قلتله باي
وقفلت ماابغا احسس اخويه انه في شي
ارسلت مسج بعد ماقفلت
انه
""اش ابغا ؟؟ ماابغا شي ابغا سلامتك
بس كنت ابغا اطمنك واقلك انه اخويه دوبه جاني""""
طبعا مارد
رجعت البيت وانا مقهوووووووورة انا ماسويت شي وواثقه من نفسي
اتصلت
كيفك حبيبي شفت نقلوني
قالي ايوة عارف نقلوك احسن محل في العالم
""" انا اليوم جا قرار نقلي لفرع مايحبه ويذكرو باايام المشاكل"""".. وارسلتله رساله انهم نقلوني لهناك وبعدها كانت المكالمه الي في المحل
المهم
قلت والله مو بيدي انت عارف
قال الله يسهل الله يسهل
ويكلمني نااااااااااشف يعني انه زعلان
اتعاندنا وقفلنا
انا ماسويت شي وهو يقلي اتا مااكذب ولا انا جاهل عشان ماافرق بين المشغول والانتظار
احنا ضروري نتفاهم على موضوع المشغول
المهم قلتله خلاص روح نام انت شكلك معصب
وقفلنا
دقيت بعدها تقريبا بساعه جواله مقفل
دقيت بعدها بساعتين رن رن رن رن محد رد شكله نايم
واتصلت كم مرة
ومحد رد
المهم اش رايكم
الي سويته صح ولا اطنشه لاني ماسويتله حاجه وهو زعل وعصب لوحدو
ولا اتصل واصلح الامور
انا اخاف اطنش يقلي ماصدقتي اني مااتصلت ولا رديت
واخاف اتصل ويقوم يدلع عليا بزياده
لا وبكرة ممكن يتصل ويركبني الغلط ويخليني اعتذر وبعدين يتعدل
او ممكن يكلمني عاااااااااااااااااااااادي ماكانه صار شي
انا مضايقه منه مرة لاني فعلا ماسويت شيبالعكس انا اتصل عليه طول اليوم ومايرد يقول مشغول ليه جات عليا انا؟؟؟؟
نفسي اتعلم اخد موقف وازعل
مااعرف
اش اسوي افيدوووووني افادكم الله
وجزاكم الله خير
وانا في داخلي عتب
ليه بعد ماقلتلكم انه لسه ماعقدنا كلكم طنشتوني
انا مخطوبه له وبنتكلم بعلم اهلي اش المشكله؟؟؟؟؟؟؟؟؟؟
انتظر ردودكم
لاني محتاجه احد يقويني انا تعبانه من مزاجيته